ტელეღიპუცები ეკრანს უბრუნდებიან, ბავშვობის მოგონებები კი — იმ ადამიანებს, რომლებიც ყოველ დილით ტინკი ვინკისთან, დიპსისთან, ლა-ლასთან და პოსთან ერთად იღვიძებდნენ. არც უმცროს თაობებს ემუქრებათ მოწყენა. მართალია, მათ სერიალის ორიგინალი ვერსია არ უნახავთ, მაგრამ ალბათ ისევე დაუმეგობრდებიან ღიპუცებს, როგორც მათი მშობლების თაობები — ტელეღიპუცების ორიგინალი ვერსია 1997-2001 წლებში გადიოდა.

სერიალის პრემიერა 14 ნოემბერს შედგება, მანამდე კი Netflix-მა პირველი ტრეილერი გაავრცელა. ახალი სერიალის მთხრობელი ტაიტუს ბურჯესი იქნება, ხოლო ღიპუცების როლს რაშელ ბეინარტი, რებეკა ჰაილენდი, ნიკ ჩი პინგ კელინგტონი და ჯერემია კრეიგი შეასრულებენ.

სერიალის ტრეილერი გვიჩვენებს ოთხ ბევრისთვის კარგად ნაცნობ გმირს, რომლებიც ჯადოსნურ Teletubbyland-ში ცხოვრებით ტკბებიან. აქვე ვხვდებით, უმცროს ტელეღიპუცებსაც, რომლებსაც Tiddlytubbies სახელით ვეცნობით.

ფოტო: Netflix

ფოტო: Netflix

მიუხედავად იმისა, რომ სერიალის ახალი ვერსია ორიგინალისგან რაღაცებით განსხვავდება, საერთო მაინც ბევრი აქვთ, მაგალითად, მთავარი სიმღერა, რომელიც ბევრს სკოლამდელ პერიოდს და ცეკვა-თამაშით დაწყებულ დილას გაახსენებს.