ამის შესახებ ურმას რეინსალუ ტვიტერზე წერს.

დეტალები: მინისტრის პოსტი სულ რამდენიმე წინადადებაა, თუმცა მილოცვასთან ერთად რუსეთის აგრესიის დანაშაულებზე სპეციალური ტრიბუნალის შექმნის იდეასაც მოიცავს.

  • "პუტინი დღეს დაბადების დღეს აღნიშნავს. იმედი მაქვს, რომ მომდევნოს შეხვდება, როგორც პატიმარი კაცობრიობის წინააღმდეგ ჩადენილი დანაშაულებისთვის", — წერს ის.

რატომ არის მნიშვნელოვანი: პუტინი დღეს 70 წლის გახდა და მსოფლიო ლიდერებისგან მილოცვების ნაკლებობას უჩივის.

  • "ვლადიმერ პუტინი იღებს უამრავ მისალოც მესიჯებსა და ტელეგრამებს უცხო ქვეყნების სახელმწიფოებისა და მთავრობის მეთაურებისგან, საერთაშორისო ორგანიზაციების ხელმძღვანელებისგან, საზოგადოებრივი და პოლიტიკური წრეების წარმომადგენლებისგან", — ამტკიცებს კრემლი, თუმცა არავის სჯერა.
  • რეალურად, მან მილოცვა მხოლოდ რამდენიმე ქვეყნის ლიდერისგან მიიღო, დანარჩენები კი ისეთივე დიქტატორული რეჟიმის ხელმძღვანელები და მისივე ოკუპირებული რეგიონების მარიონეტული მმართველები არიან.
  • უკრაინულ და რუსულ მედიაზე ამასთან დაკავშირებით მიმები და ინფოგრაფიკებიც კი გავრცელდა, რომელზეც ჩანს, ვის გაახსენდა პუტინი.

ფოტო: Slovo i Dilo

მილოცვები: ბელარუსის პრეზიდენტმა, ალექსანდრ ლუკაშენკომ არაფერი დაიშურა და კოლეგას ტრაქტორი აჩუქა — სახელად ბელარუსი.

  • ჩრდილოეთ კორეის დიქტატორმა, კიმ ჩენ ინმა პუტინს გამოკვეთილი და შეუპოვარი ლიდერი უწოდა და დასავლეთის "საფრთხეებთან" ბრძოლა დაუფასა.
  • ჩეხეთის საგარეო საქმეთა მინისტრმა პუტინის "პატივსაცემად" მაისური ჩაიცვა წარწერით: "შეგე*ი პუტინ".
  • საინტერესო საჩუქარი მიიღო პუტინმა პრაღაში აქტივისტებისგან — კუბო, რომელშიც მისი თოჯინა იწვა.