ამაზე ინფორმაციას CNN ავრცელებს.

რატომ არის მნიშვნელოვანი: 21 სექტემბერს პუტინმა რუსეთში ნაწილობრივი მობილიზაცია გამოაცხადა — მას შემდეგ რუსეთის მოქალაქეები ქვეყნის დატოვებას ცდილობენ, საზღვრებთან და აეროპორტებში რამდენიმესაათიანი რიგებია.

  • ნაწილი საქართველოში გამოქცევას ცდილობს — ლარსის გამშვები პუნქტთან რამდენიმე დღეა დაახლოებით 13-15-კილომეტრიანი საცობებია;
  • ვახტანგ გომელაური ამბობს, რომ მობილიზაციის გამოცხადების შემდეგ გადმომსვლელთა მაჩვენებელმა, წინა დღეებთან შედარებით 40-45%-ით მოიმატა.

დეტალები: CNN-ის ცნობით, 200 000-ზე მეტმა მოქალაქემ დატოვა რუსეთი და გადავიდა საქართველოში, ყაზახეთში, ევროკავშირის ქვეყნებში მას შემდეგ, რაც რუსეთში მობილიზაცია გამოცხადდა.

  • შინაგან საქმეთა მინისტრის განცხადებით, დაახლოებით 100 000 ადამიანი გადავიდა ყაზახეთში გასულ კვირას;
  • 53 136-მა რუსეთის მოქალაქემ გადმოკვეთა საქართველოს საზღვარი 21-26 სექტემბრის პერიოდში;
  • თითქმის 66 000 რუსეთის მოქალაქე წავიდა ევროკავშირის ქვეყნებში გასული კვირის განმავლობაში;
  • ეს სტატისტიკა არ მოიცავს მონღოლეთსა და სომხეთში წასულ მოქალაქეებს.