ამის შესახებ უკრაინიც ვიცე-პრემიერი ტელეგრამზე წერს.

რატომ არის მნიშვნელოვანი: 21 სექტემბერს პუტინმა რუსეთში მობილიზაცია გამოაცხადა — ამტკიცებდა, რომ ნაწილობრივი იყო და არა საყოველთაო, მხოლოდ სამხედრო გამოცდილების მქონე პირებს შეეხებოდათ, თუმცა ვრცელდება ინფორმაციები, რომ მიჰყავთ ყველა, ვისაც აგნებენ.

• რუსეთი ცდილობს ომში უკრაინის მოქალაქეებიც ჩაითრიოს და აიძულებს ანექსირებულ ნახევარკუნძულზე მცხოვრებ ყირიმელ თათრებს, საბრძოლო მოქმედებებში მიიღონ მონაწილეობა.
• უკრაინის პრეზიდენტის ადმინისტრაციის უფროსის ხელმძღვანელის განცხადებით, ყირიმელი თათრების მასობრივი მობილიზაცია არის ნამდვილი გენოციდი ეთნიკური ნიშნით.
• მიხაილო პოდოლიაკი ამბობს, რომ ოკუპირებულ რეგიონებში მოქალაქეების ომში ჩართვის იძულება სხვა არაფერია, თუ არა მოსკოვის მცდელობა, ტერიტორია არალოიალური მოსახლეობისგან გაწმინდოს.

დეტალები: ვერეშჩუკიც წერს, რომ ყირიმელი თათრების მობილიზაციას გენოციდის ნიშნები აქვს და განმარტვს, რომ ისინი ცდილობენ საკუთარი ძალებით დატოვონ ქვეყანა, თავი აარიდონ მტრის ჯარში მობილიზებას.

• მისი თქმით, რეინტეგრაციის სამინისტრომ მიიღო ინფორმაცია, რომ პოლონელი, ლატვიელი, ესტონელი, ლიეტუველი და ქართველი მესაზღვრეები ზოგან უარს ეუბნებიან საზღვრის გადაკვეთაზე ყირიმის ძირძველი ხალხების წარმომადგენლებს და აიძულებენ მათ დაბრუნებას ყირიმში ან რუსეთში.
• ვერეშჩუკი წერს, რომ ახლა ყირიმის ძირძველი ხალხების მხარდაჭერა საერთაშორისო საზოგადოების მხრიდან უფრო მნიშვნელოვანია, ვიდრე ოდესმე და ხსენებული ქვეყნების მთავრობებს მიმართავს, ყურადღება მიაქციონ აღნიშნულ პრობლემას.
• "ჩვენ ვთხოვთ ჩვენს მეგობარ ქვეყნებს ხელი შეუწყონ ყირიმის ძირძველი ხალხების წარმომადგენლების გამგზავრებას უკრაინის ყირიმის ტერიტორიიდან და რუსეთის ფედერაციის ტერიტორიიდან მესამე ქვეყნებში", — ამბობს მინისტრი.

ფართო სურათში: აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;

• ამ გადაწყვეტილებით კი გამოჩნდა, რომ ოკუპანტები არსებული რესურსებით უკრაინულ ძალებს ვერ უმკლავდებიან.
• მობილიზაციის გამოცხადების შემდეგ რუსეთის მოქალაქეები ქვეყნის დატოვებას ცდილობენ, საზღვრებთან და აეროპორტებში რამდენიმესაათიანი რიგებია.
• ევროკავშირის სასაზღვრო სააგენტოს Frontex-ის განცხადებით, 19-25 სექტემბრის მონაცემებით EU-ში რუსეთის 66 000 მოქალაქე შევიდა, რაც 30%-ით მეტია წინა კვირასთან შედარებით.
• 19 სექტემბერს ესტონეთმა, ლატვიამ, ლიეტუვამ და პოლონეთმა დაიწყეს შესვლის შეზღუდვების დაწესება რუსეთის მოქალაქეებისთვის, რომლებიც მოგზაურობენ მხოლოდ ტურისტული ან დასასვენებელი მიზნით. მსგავსი შეზღუდვები მოქმედებს ფინეთში.
• ევროპული ქვეყნების ნაწილი თანახმაა, ნაწილი კი ამბობს, რომ არ მიიღებს გამოქცეულ რუსებს.

საქართველო: მობილიზაციის გამოცხადების შემდეგ, 21 სექტემბერს რუსეთიდან საზღვარი გადმოკვეთა 6 402-მა და გადაკვეთა 6 011-მა პირმა. დანარჩენ დღეებში შემოსულთა და გასულთა სტატისტიკა ასეთია:

• 22 სექტემბერს: 6 150 — 6 050;
• 23 სექტემბერს: 9 307 — 6 214;
• 24სექტემბერს: 9 330 — 6 249;
• 25 სექტემბერს: 11 143 — 5 519;
• 26 სექტემბერს: 10 804 — 4 947.