ვიაჩესლავ ვოლოდინმა დუმაში განიხილა ყალბი დოკუმენტი, რომელიც მოძრაობა სირცხვილიას აქტივისტმა შეადგინა და ტელეგრამ ჩატში გაგზავნა.

რატომ არის მნიშვნელოვანი: ვოლოდინმა თქვა, რომ საქართველოს საზღვრის კვეთისას რუსეთის მოქალაქეებს სთხოვენ ხელი მოაწერონ განცხადებას, რომლითაც რუსეთი უნდა ცნონ დამნაშავედ საქართველოს ტერიტორიების ოკუპაციაში.

  • "თუ ეს ასეა და ჩვენი მოქალაქეები ხელს აწერენ ამ დოკუმენტს, ცალსახაა, რომ ეს დანაშაულია, უნდა გავარკვიოთ, რადგან პირველ პუნქტი ამბობს, ხელმომწერი აღიარებს, რომ მისი ქვეყანა აგრესორია. ეს უკვე სისხლის სამართლის პასუხისმგებლობაა".

დეტალები: სირცხვილიას განცხადებით, ფორმა სპეციალურად იყო შედგენილი ორთოგრაფიული შეცდომებით, ის რამდენიმე წუთში წაშალეს ჩატიდან, აქტივისტი კი დაბლოკეს.

  • აღშფოთებულმა ვოლოდინმა დუმაში სიტყვით გამოსვლისას, "დოკუმენტის" სხვა პუნქტებიც მიმოიხილა, რომლებშიც საუბარია, რომ აფხაზეთი და ოსეთი საქართველოს ტერიტორიებია და რუსებმა ეთნიკური წმენდა განახორციელეს.
  • "ეს რა არის? იქნებ კარგია, რომ ვინც ამას ხელი მოაწერა წავიდნენ? მათზე ჩაჭიდება არ არის საჭირო, მათ უკვე გვიღალატეს. მათ უნდა ვუთხრათ, რომ ბევრი დანაშაული ჩაიდინეს თავისი ქვეყნის და ერის წინაშე. თუ მოიფიქრებენ უკან დაბრუნებას, დაისჯებიან".

ფოტო: მოძრაობა სირცხვილია