ამის შესახებ ინფორმაციას Meduza ავრცელებს.

რატომ არის მნიშვნელოვანი: სნოუდენი აშშ-ის ეროვნული უსაფრთხოების სააგენტოს ყოფილი კონტრაქტორი იყო.

  • მან 2013 წელს რუსეთს თავშესაფრის თხოვნით მიმართა — ეს მას შემდეგ მოხდა, რაც სნოუდენმა მედიას აშშ-ის სადაზვერვო და საზედამხედველო ოპერაციების შესახებ ინფორმაცია მიაწოდა.

დეტალები: როგორც Meduza წერს, გამოცემა Interfax-მა სნოუდენის ადვოკატს ჰკითხა, დაექვემდებარება თუ არა ის რუსეთში გამოცხადებულ მობილიზაციას.

  • ადვოკატის თქმით, გამომდინარე იქიდან, რომ სნოუდენს რუსეთის არმიაში არ უმსახურია და არ აქვს სამხედრო სამსახურში ყოფნის გამოცდილება, ის გაწვევას არ ექვემდებარება;
  • თუმცა Meduza მიუთითებს, რომ რუსეთში დაფიქსირდა რამდენიმე შემთხვევა, როცა მობილიზაციის ფარგლებში ის ადამიანები გაიწვიეს, რომლებსაც ჯარში ყოფნის გამოცდილება არ ჰქონდათ;

Meduza-ს ცნობით, სნოუდენმა რუსეთის მოქალაქეობა 2020 წლის ნოემბერში მოითხოვა.

  • მედია წერს, რომ იმ პერიოდში მან რუსეთში მუდმივი ბინადრობის უფლება მიიღო.