ინფორმაციას ამის შესახებ იარკუტსკის რეგიონის გუბერნატორი იგორ კობზევი ავრცელებს ტელეგრამ არხის საშუალებით.

რატომ არის მნიშვნელოვანი: 21 სექტემბერს პუტინმა რუსეთში "ნაწილობრივი მობილიზაცია" გამოაცხადა.

  • აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;
  • ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.

დეტალები: კობზევის ცნობით, სამხედრო კომისარი ალექსანდრე ელისეევი რეანიმაციაში იმყოფება, ის მძიმე მდგომარეობაშია და ექიმები მისი სიცოცხლის გადარჩენისთვის იბრძვიან.

  • რეგიონის ხელმძღვანელის თქმით, თავდამსხმელი დააკავეს.
  • რუსული სამთავრობო მედიის ცნობით, ინციდენტი სამხედრო აღრიცხვისა და გაწვევის ოფისში ადგილობრივი დროით 12:20 საათზე მოხდა.

კონტექსტი: ნაწილობრივი მობილიზაციის გამოცხადებას რუსეთში პროტესტი მოყვა.

  • ადგილობრივები მართავენ აქციებს, სადაც ასეულობით ადამიანი დააკავეს.