ამის შესახებ სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილემ, ირაკლი ანთაძემ განაცხადა.

რატომ არის მნიშვნელოვანი: საოკუპაციო რეჟიმი როგორც აფხაზეთის, ისე ცხინვალის რეგიონის ტერიტორიების მიმდებარედ საქართველოს მოქალაქეებს იტაცებს ან უკანონოდ აპატიმრებს.

  • ოკუპირებულ რეგიონებში ციხეებში ხშირად ირღვევა ადამიანის უფლებები.

დეტალები: ანთაძის ინფორმაციით, ერთ-ერთი დაკავებული საჩხერის მუნიციპალიტეტის სოფელ პერევის მკვიდრი, გელა იობაშვილია.

  • მისი თქმით, ის 4 სექტემბერს დააკავეს, თუმცა საოკუპაციო რეჟიმმა ინფორმაცია დაგვიანებით გაავრცელა.
  • ანთაძის ცნობით, 22 სექტემბერს შედგა ე.წ სასამართლო, სადაც საქართველოს მოქალაქეს უკანონო 2-თვიანი ე.ს წინასწარი პატიმრობა შეეფარდა.

ანთაძე ერგნეთში იმყოფება, სადაც ინციდენტების პრევენციისა და მათზე რეაგირების მექანიზმების ფარგლებში შეხვედრაა დაგეგმილი.

  • მისი თქმით, შეხვედრაზე მთავარი აქცენტი უკანონო პატიმრობაში მყოფი საქართველოს მოქალაქეების თავისუფლებაზე გაკეთდება.