ჩეჩნეთის ლიდერის განცხადებას Meduza ავრცელებს.

რატომ არის მნიშვნელოვანი: 21 სექტემბერს პუტინმა რუსეთში "ნაწილობრივი მობილიზაცია" გამოაცხადა.

  • აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;
  • ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.

დეტალები: კადიროვის განცხადებით, უკრაინაში უკვე 20 000-ზე მეტმა ჩეჩენმა მებრძოლმა მიიღო მონაწილეობა, რითაც გეგმა 254%-ით შეასრულეს.

  • მას არ დაუკონკრეტებია, რა გეგმას გულისხმობდა;
  • კადიროვი გამოეხმაურა 21 სექტემბერს გროზნოში გამართულ აქციასაც და განაცხადა, რომ "40-მდე შეკრებილი ქალის" ნათესავები უკვე უკრაინაში გაგზავნეს;
  • ის იმუქრება, რომ თუ ვინმე მსგავს აქციებში მონაწილეობას მიიღებს, ფრონტის ხაზზე გაგზავნიან.

გროზნოში ომის საწინააღმდეგო აქცია 21 სექტემბერს გაიმართა. კადიროვი ამტკიცებს, რომ პროტესტს 40-მდე ქალი დაესწრო, თუმცა ოპოზიციური მედიების ცნობით, მასში 100-ზე მეტი ადამიანი მონაწილეობდა.

  • 21 სექტემბერს 1ADAT-მა დაწერა, რომ ქალები გროზნოს ცენტრში პროტესტის დაწყების ოფიციალურ დროზე ნახევარი საათით ადრე შეიკრიბნენ. არხის თანახმად, შინაგან საქმეთა სამინისტროს წარმომადგენლებმა ყველა დააკავა;
  • 1ADAT-მა განაცხადა, რომ აქციის შემდეგ, პროტესტში მონაწილეების შვილები დააკავეს და გუდერმესში, გროზნოდან აღმოსავლეთით მდებარე ქალაქში გააგზავნეს.