მედიების ცნობით, ინფორმაციას რუსული ტელეგრამ არხები ავრცელებენ, ასევე, ვრცელდება დაბომბილი შსტაბის სურათები.

რატომ არის მნიშვნელოვანი: რუსეთი კერძო სამხედრო კომპანია ვაგნერს მსოფლიოს სხვადასხვა ბრძოლაში იყენებს. დასავლეთმა ვაგნერის დაჯგუფებას სანქციებიც დაუწესა.

  • ბრიტანეთის დაზვერვის განცხადებით, რუსეთი ვაგნერის დაჯგუფებას ფრონტის ხაზის გასაძლიერებლად იყენებდა.
  • დაზვერვის ინფორმაციით, ვაგნერის დაჯგუფებამ ცენტრალური როლი შეასრულა უკრაინაში ბოლოდროინელ საბრძოლო მოქმედებებში — ლუგანსკის ოლქის ქალაქების, ლისიჩანსკისა და პოპასნას აღებაში.

დეტალები: 8 აგვისტოს რუსმა სამხედრო მეთაურმა, სერგეი სრედამ ტელეგრამზე დაწერა, რომ პოპასნაში, ვაგნერის შტაბში იმყოფებოდნენ და ფოტოებიც გამოაქვეყნა.

  • რადიო თავისუფლებას რუსეთის ბიუროს ცნობით, სრედას გამოქვეყნებულ ერთ-ერთ ფოტოზე ასახულია ევგენი პრიგოჟინი, რომელიც ვაგნერის მფლობელად ითვლება, თუმცა თავად ამას უარყოფს.

  • როგორც უკრაინული მედია წერს, მეთაურის გავრცელებულმა ფოტოებმა აღშფოთება გამოიწვია, რადგან ერთ-ერთ მათგანზე ნაჩვენებია აბრა უახლოესი ბომბსაფარის მისამართით — მირონოვსკაიას ქუჩა, 12.

  • რადიო თავისუფლებამ ამ ტერიტორიაზე არსებული სახლების სურათები შეისწვლა და მიიჩნევს, რომ ფოტოები რეალურია.

ამასთანავე, უკრაინელებმა ვაგნერის დაჯგუფების შტაბს, სავარაუდოდ, ამერიკული HIMARS-ის რაკეტებით დაარტყეს.

  • გავრცელებული ინფორმაციით, მათ შტაბის ლოკაციის დადგენაში მეთაურის მიერ გამოქვეყნებული ფოტოები დაეხმარა.