4 ოქტომბრის საპროტესტო აქციის საქმეზე დაკავებული კიდევ ერთი მსჯავრდებული, ირაკლი ჩხვირკია პროკურატურასთან საპროცესო შეთანხმების გაფორმებას აპირებს. ამის შესახებ ჟურნალისტებს მსჯავრდებულის ადვოკატმა, ბორის ყურუამ განუცხადა.

როგორც ადვოკატმა აღნიშნა, უწყებისთვის ოფიციალურად ჯერ არ მიუმართავთ და ამ დეტაპზე მხოლოდ ზეპირსიტყვიერი კომუნიკაცია შედგა, თუმცა წერილობით მიმართვას აპირებენ.

"ამ შემთხვევაში ჩემი მსჯავრდებულის ნება არის ის, რომ გაფორმდეს საპროცესო შეთანხმება. ჩვენ პირველ ინსტანციაში ვიდავეთ და ზოგადად ვხვდებით, რომ მოცემული კონტექსტის და იმ სიტუაციის გათვალისწინებით, რასაც ვუყურებთ უკვე თითქმის ერთი წელია, ახლა ყველაზე კონსტრუქციული გადაწყვეტილება იქნება ის, რომ საპროცესო შეთანხმებას მივაღწიოთ ბრალდების მხარესთან", — განაცხადა უფლებადამცველმა.