შესაძლოა კომანდო ტანით პატარაა, მაგრამ მექსიკის ეროვნული გვარდია ძალიან დიდ პასუხისმგებლობას აკისრებს.

მინიატურული სათვალით, ტანზე მომჯდარი ჟილეტით, ჩაფხუტითა და თავზე დამაგრებული პატარა კამერით აღჭურვილი 7-კილოგრამიანი ჩიხუახუა გვარდიის ყველაზე უჩვეულო და პატარა ოთხფეხა წევრი გახდა.

ოფიცრების თქმით, 13 თვის ლეკვს როგორც გვარდიის სიმბოლოდ, ასევე სამძებრო-სამაშველო სამუშაოებში მონაწილეობისთვისაც წვრთნიან. 21 სანტიმეტრი სიმაღლის კომანდო სულაც არ ჰგავს იმ ძლიერ ძაღლებს, რომლებიც სამხედრო ან პოლიციურ დანაყოფებთან ხშირად ასოცირდებიან. თუმცა, პატარა ცუგა დავალებებს ბევრ მოზრდილ ძაღლზე უკეთ ართმევს თავს.

ფოტო: Reuters

გვარდიამ კომანდო დაახლოებით 6 თვის წინ მიიღო, მას შემდეგ, რაც მის ხანდაზმულ პატრონებს ცუგაზე ზრუნვა აღარ შეეძლოთ. ახლა ის სამოქალაქო ცერემონიებს, სასკოლო ღონისძიებებსა და საზოგადოებრივ შეხვედრებს ესწრება.

კომანდო გვარდიის სხვა ძაღლებისგან განსხვავებულია. ჩიხუახუები, რომლებიც ცნობილი არიან დიდი ყურებითა და თამამი ხასიათით, კი ენერგიულები არიან, თუმცა იშვიათად განიხილებიან სერიოზული სამუშაოს შემსრულებლებად.

ნახეთ კადრები: