სურსათის ეროვნული სააგენტოს იმერეთის დეპარტამენტის ინსპექტორებმა ქუთაისში, ჭავჭავაძის გამზირზე მდებარე პესტიციდებისა და აგროქიმიკატების სარეალიზაციო ობიექტი არაგეგმურად შეამოწმეს და გამოვლენილი დარღვევების გამო ბიზნესოპერატორს საქმიანობა შეუჩერეს.

პროვერკის შედეგად დადგინდა, რომ ინდივიდუალური მეწარმე რ. გ. აგროქიმიკატებისა და პესტიციდების გაყიდვას კანონმდებლობის დარღვევით — სააგენტოს შესაბამისი აღიარებისა და სავალდებულო რეგისტრაციის გარეშე ახდენდა.

დარღვევების გამო, კანონმდებლობის შესაბამისად, ობიექტი დაჯარიმდა და მას შესაბამისი მოთხოვნების დაკმაყოფილებამდე აგროქიმიკატებით ვაჭრობა აეკრძალა.

"სურსათის ეროვნული სააგენტოს იმერეთის დეპარტამენტის ინსპექტორებმა, ქუთაისში ინდივიდუალური მეწარმე რ. გ.-ის (მისამართი: ქუთაისი, ჭავჭავაძის გამზირი N 67 ) პესტიციდებისა და აგროქიმიკატების სარეალიზაციო ობიექტი არაგეგმურად შეამოწმეს და გამოვლენილი დარღვევბის გამო საქმიანობა შეუჩერეს.

ბიზნესოპერატორი პესტიციდებისა და აგროქიმიკატების რეალიზაციას რეგისტრაციისა და სააგენტოს შეასაბამისი აღიარების გარეშე ახდენდა. აღსანიშნავია, რომ სპეციალიზებული ობიექტის ფუნქციონირებისათვის სავალდებულოა სურსათის ეროვნული სააგენტოს მიერ დადგენილი წესით აღიარება, რაც გულისხმობს სანიტარიულ-ჰიგიენური მოთხოვნების და უსაფრთხოების წესების სრულად დაკმაყოფილებას. კანონმდებლობის შესაბამისად, ობიექტი დაჯარიმდა და შესაბამისი მოთხოვნების დაცვის გარეშე აგროქიმიკატებით ვაჭრობა აეკრძალა. სურსათის ეროვნული სააგენტო ფერმერების ინტერესების დაცვის და ბაზარზე ხარისხიანი პესტიციდების განთავსების მიზნით აგრძელებს აქტიურ კონტროლს და ამავდროულად, მოუწოდებს ბიზნესოპერატორებს, დაიცვან კანონმდებლობით გათვალისწინებული მოთხოვნები", — წერია სეს-ის განცხადებაში.