ამის შესახებ რუსეთის ფედერაციის საგამოძიებო კომიტეტის თავმჯდომარემ, ალექსანდრ ბასტრინიკმა განაცხადა რუსულ მედიასთან.

რატომ არის მნიშვნელოვანი: რუსეთის არმიის ქმედებებს Amnesty International-მა არაერთხელ უწოდა ომის დანაშაული.

  • ამას გარდა, კანადამ სწორედ რუსეთის ქმედებები აღიარა გენოციდად უკრაინაში. იგივე გააკეთა ირლანდიის სენატმა, ლიეტუვის პარლამენტმა კი ტერორისტულ სახელმწიფოდ რუსეთის ფედერაცია გამოაცხადა.

კიდევ რა თქვა ბასტრიკინმა: ის ამბობს, რომ "კაცობრიობის, მშვიდობისა და უსაფრთხოების წინააღმდეგ მიმართულ დანაშაულებში", რასაც ხანდაზმულობის ვადა არ გააჩნია, 220-ზე მეტი პირია გამოვლენილი.

  • ბასტრიკინის განცხადებით, მათ შორის არიან შეიარაღებული ძალების უმაღლესი სარდლობის წარმომადგენლები.
  • მისივე თქმით, აღძრულია სისხლის სამართლის საქმეები უკრაინის ტერიტორიაზე დაქირავებული მებრძოლების დანაშაულებრივ ქმედებებში მონაწილეობაზეც და გამოძიება მიმდინარეობს დიდი ბრიტანეთის, აშშ-ის, კანადის, ნიდერლანდებისა და საქართველოს მოქალაქეების წინააღმდეგ.
  • თავმჯდომარის ცნობით, სამხედრო პოლიტიკური ხელმძღვანელობის, "რადიკალური ნაციონალისტური ჯგუფის წევრების", შეიარაღებული დაჯგუფებების წარმომადგენლების წინააღმდეგ აღძრულია 1 300-ზე მეტი საქმე, საიდანაც პასუხისმგებლობა 400-ზე მეტ პირს ეკისრება.

ფართო სურათი: ამავდროულად, უკრაინა 14 000-მდე სავარაუდო სამხედრო დანაშაულს იძიებს.

  • ყოფილი გენერალური პროკურორის თქმით, ყოველდღიურად ამ რიცხვს 100-დან 200-მდე ახალი შემთხვევა ემატება.

არქივიდან: რუსეთის ფედერაციის საგამოძიებო კომიტეტს სისხლის სამართლის საქმეზე გამოძიება დაწყებული აქვს უკრაინის შეიარაღებულ ძალებში ქართილი ლეგიონის მეთაურის, მამუკა მამულაშვილის წინააღმდეგ.

  • მათი მტკიცებით, მამულაშვილმა უკანონო ქმედებები განახორციელა რუსეთის ფედერაციის შეიარაღებული ძალების სამხედრო მოსამსახურეების მიმართ.