უკრაინაში აშშ-ის ელჩის, რიჯიტ ბრინკის განცხადებით, უკრაინაში რუსეთის სრულმასშტაბიანი შეჭრისას მის ქმედებებთან დაკავშირებით ამერიკა სერიოზულად განიხილავს რუსეთის ტერორიზმის სპონსორ სახელმწიფოდ გამოცხადებას.

რატომ არის მნიშვნელოვანი: უკრაინის პრეზიდენტი, ვოლოდიმირ ზელენსკი ამბობს, რომ რუსეთი კანონიერად უნდა იყოს აღიარებული, როგორც მსოფლიოში ყველაზე დიდი ტერორისტული ორგანიზაცია.

  • აშშ-ის სენატმა უკვე მიიღო რეზოლუცია, რომელიც რუსეთის ტერორიზმის სპონსორ სახელმწიფოდ აღიარებს.
  • თუმცა ეს კენჭისყრა არ ნიშნავს საბოლოო აღიარებას. შესაბამისი გადაწყვეტილება თეთრი სახლის ადმინისტრაციამ უნდა მიიღოს.

ელჩის თქმით, ამ საკითხს სჭირდება ზედმიწევნით გაანალიზება ამერიკული კანონმდებლობის შესაბამისად.

  • "სერიოზულად ვეკიდებით ასეთ განცხადებას. გავაგრძელებთ რუსეთის პასუხისგებაში მიცემას ჩვენი კანონის შესაბამისად".
  • "ჩვენს პარტნიორებთან და მოკავშირეებთან ერთად მთელ მსოფლიოში ჩვენ განვახორციელეთ სანქციების უპრეცედენტო რაოდენობა. გავაგრძელებთ ამას მომავალში".