საქართველოში საგზაო მოძრაობის უსაფრთხოება ერთ-ერთი ყველაზე აქტუალური თემაა. სხვადასხვა სეზონზე, მოგზაურობისა და გადაადგილების გაზრდასთან ერთად, იზრდება ავტოსაგზაო შემთხვევების რიცხვიც, რომელთა თავიდან აცილება გამართული ავტომობილით, წესების დაცვითა და მართვის კულტურის გათვალისწინებით არის შესაძლებელი.

ფოტო: თეგეტა

ნინო ბეგიაშვილი

ნინო ბეგიაშვილი

ფოტო: თეგეტა

სწორედ ამიტომ, თეგეტა მოტორსი ჰოლდინგის ახალ კამპანიას "იზრუნე საგზაო მოძრაობის კულტურაზე" შეუერთდა და, კომპანიის სპეციფიკიდან გამომდინარე, მთავარი აქცენტი უსაფრთხოებაზე გააკეთა. კამპანია, კომერციულ შეთავაზებებთან ერთად, უსაფრთხო გადაადგილებისთვის ცნობიერების ამაღლებას და მართვის კულტურის დანერგვას ისახავს მიზნად.

"თეგეტა მოტორსისთვის, ერთი მხრივ, მისი საქმიანობიდან გამომდინარე, მეორე მხრივ კი, მისი სოციალური პასუხისმგებლობის გათვალისწინებით, უსაფრთხოებაზე ზრუნვა მთავარი პრიორიტეტია. ჩვენთვის მნიშნველოვანია, რომ მომხმარებელს ავტომობილზე ზრუნვა კიდევ უფრო გავუმარტივოთ. იმისათვის, რომ ჩვენმა მომხმარებლებმა გამართული ავტომობილით უსაფრთხოდ იმგზავრონ, კამპანიის ფარგლებში მათ სხვადასხვა აქციასა და ფასდაკლებას შევთავაზებთ. დაგეგმილი გვაქვს აქტივობები საგზაო მოძრაობის უსაფრთხოების ცნობიერების ასამაღლებლად", — განაცხადა ნინო ბეგიაშვილმა, თეგეტა მოტორსის მარკეტინგის უფროსმა მენეჯერმა.

სწორედ ამ მიზნით, თეგეტა მოტორსმა პოდკასტების სერია დაიწყო, სადაც ეკა ლალიაშვილი და საქართველოს ალიანსი უსაფრთხო გზებისთვის თავმჯდომარე და ავტომრბოლელი დათა ქაჯაია საგზაო მოძრაობის უსაფრთხოების შესახებ სხვადასხვა აქტუალურ თემას განიხილავენ.

ახალი კამპანიის ფარგლებში, თეგეტა მოტორსი მომხმარებლის ავტომობილის გამართულობაზეც იზრუნებს და სხვადასხვა სერვისზე ფასდაკლებას შესთავაზებს.