10 დღის განმავლობაში Nord Stream 1 ყოველწლიური ტექნიკური სამუშაოების გამო დახურული იყო. ინფორმაციას ამის შესახებ Deutsche Welle გაზსადენის ოპერატორზე დაყრდნობით ავრცელებს.

რატომ არის მნიშვნელოვანი: რუსეთს ენერგორესურსებით შანტაჟში ადანაშაულებენ.

  • გერმანიის კანცლერი, ოლაფ შოლცი აცხადებს, რომ ვლადიმერ პუტინი ამ საკითხს იარაღად იყენებს;
  • შესაბამისად, არსებობდა საფრთხე, რომ მოსკოვი გაზის მიწოდებას არ აღადგენდა, რაც ენერგო კრიზისს გამოიწვევდა.

დეტალები: Nord Stream 1 ბალტიის ზღვის გავლით წელიწადში 55 მილიარდ კუბური მეტრი გაზის ტრანსპორტირებას ახდენს — ის 11 ივლისის შემდეგ გაჩერებული იყო.

  • ივნისში გაზპრომმა Nord Stream-ის გავლით გაზის მიწოდება 40%-ით შეამცირა, რის მიზეზადაც რის მიზეზადაც გაზსადენის რუსული ტურბინა სახელდებოდა, რომელიც რემონტდებოდა და რომლის დაბრუნებაზეც კანადა უარს ამბობდა;
  • 10 ივლისს კანადამ განაცხადა, რომ გერმანიას Nord Stream 1-ის გარემონტებულ ტურბინას დაუბრუნებდა, რის შემდეგაც, მას გერმანია გაზპრომს გადასცემს.