პრეზიდენტმა, ვოლოდიმირ ზელენსკიმ ასევე დაითხოვა უკრაინის ელჩები უნგრეთში, ნორვეგიაში, ჩეხეთსა და ინდოეთში.

რატომ არის მნიშვნელოვანი: მელნიკი გერმანიაში ელჩად 2015 წლიდან მუშაობდა. ბოლო დროს მის განცხადებებს, რამდენჯერმე კრიტიკული შეფასება მოჰყვა.

  • ის ხშირად მწვავედ აკრიტიკებდა გერმანიის ხელისუფლებას და ამისთვის რამდენჯერმე ბოდიშიც მოიხადა. მაგალითად, კანცლერ ოლაფ შოლცს "გაფუჭებული ძეხვიც" უწოდა.
  • მის ერთ-ერთ განცხადებას გაემიჯნა უკრაინის საგარეო საქმეთა სამინისტროც. მელნიკის თქვა, რომ უკრაინელი ნაციონალისტი ლიდერი სტეფან ბანდერა არ ხოცავდა ებრაელებსა და პოლონელებს, რის გამოც ისტორიული ფაქტების გაყალბებაში დაადანაშაულეს.

დეტალები: უკრაინული მედიები წერენ, რომ რამდენიმე დღეა გერმანულ მედიაში გავრცელდა ინფორმაცია, რომ მელნიკი, შესაძლოა უკრაინის საგარეო საქმეთა მინისტრის მოადგილის პოსტზე დაინიშნოს.

ზელენსკიმ განმარტა, რომ უკრაინის ელჩების გათავისუფლება დიპლომატიური პრაქტიკის ნორმალური ნაწილია.

  • ყოველდღიურ ვიდეომიმართვაში თქვა ისიც, რომ ახალ კანდიდატებს საგარეო საქმეთა სამინისტრო ამზადებს.

მან ასევე გამოაცხადა "მნიშვნელოვანი ამბები" მთავრობის წარმომადგენლებისგან მომავალ კვირას

არქივიდან: ზელენსკიმ 24 ივნისს უკრაინის ელჩი საქართველოში იგორ დოლგოვი თანამდებობიდან გაათავისუფლა.

  • 24-ში საქართველოს გარდა ზელენსკიმ თანამდებობიდან გაათავისუფლა ელჩები ლიბანში, სლოვაკეთში, პორტუგალიაში და ირანში.
  • საქართველოში უკრაინის ელჩის მოვალეობას პირველი მარტიდან ანდრეი კასიანოვი ასრულებს.