კობახიძე კანდიდატის სტატუსზე: მთავარია, ეს გადაწყვეტილება არ იყოს ისეთი უსამართლო, როგორიც ევროპარლამენტის რეზოლუცია

12 Jun. 2022, 23:51

ჩვენ ვინარჩუნებთ ოპტიმიზმს, გამომდინარე იქიდან, რომ სამართლიანად თუ განიხილება ეს საკითხი, ჩვენ, რა თქმა უნდა, გვეკუთვნის კანდიდატის სტატუსი ყველა შემთხვევაში. ერთი რომ გვეკუთვნის, მეორე რომ გვეკუთვნის უკრაინაზე და მოლდოვაზე მეტად. ეს არის რეალობა და ეს არის მოცემულობა. აქედან გამომდინარე, ჩვენ გვაქვს ოპტიმისტური მოლოდინი, თუმცა საბოლოო ჯამში, ევროკავშირის გადასაწყვეტია ეს ყველაფერი და ვნახოთ, რა გადაწყვეტილება იქნება მიღებული. მთავარია, ეს გადაწყვეტილება არ იყოს ისეთი უსამართლო, როგორიც იყო რამდენიმე დღის წინ ევროპარლამენტის რეზოლუცია თავისი სხვადასხვა პუნქტით. [...]

წინასწარ არც არის, ალბათ, სწორი, ბოლომდე დეტალებში ამ ყველაფერზე საუბარი, მაგრამ ჩვენ გვაქვს ძალიან მკაფიო პოზიცია, ჩვენ გვაქვს რწმენა იმის, რომ სამართლიანი გადაწყვეტილება, შეიძლება, იყოს მხოლოდ ერთი. აქედან გამომდინარე, თუ გადაწყვეტილება იქნება უსამართლო, რა თქმა უნდა, ეს გამოიწვევს ჩვენი მხრიდან მძიმე რეაქციას. მძიმე რეაქციაში ვგულისხმობ განწყობას პირველ რიგში, რომელიც ჩვენ გვექნება, ასეთი გადაწყვეტილების შემთხვევაში.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

თბილისი თუ ბათუმი — სად არის უფრო მომგებიანი ცხოვრება, საცხოვრებლის შეძენა ან ქირა