პრეზიდენტის აპარატის უფროსის მოადგილის, იგორ ჟოვქვას განცხადებით, უკრაინამ ევროკავშირის კანდიდატი ქვეყნის სტატუსის კითხვარის შევსება დაასრულა. მისი თქმით, აქვს იმედი, რომ იმ ინფორმაციის საფუძველზე, რომელიც მიაწოდეს ევროკომისიას, დადებითი რეკომენდაცია იქნება.

"დღეს ერთი კვირა გავიდა და შეგვიძლია ვთქვათ, რომ დოკუმენტი, რომელიც ქალბატონმა ურსულა ფონ დერ ლეიენმა ჩამოიტანა, უკრაინულმა მხარემ დაასრულა", — ამბობს ის.

8 აპრილს ევროკომისიის პრეზიდენტმა, ურსულა ფონ დერ ლაიენმა უკრაინის პრეზიდენტ ვოლოდიმირ ზელენსკის ევროკავშირში წევრობის განაცხადთან დაკავშირებული კითხვარი გადასცა.

ლაიენმა კითხვარის გადაცემისას თქვა, რომ ზელენსკისთან გააგრძელებდა მჭიდრო თანამშრომლობას, რათა უკრაინას კითხვარი რამდენიმე კვირაში შეევსო. ზელენსკიმ ბრიფინგზე ლაიენს უპასუხა — "ჩვენ მზად გვექნება პასუხები, ერთ კვირაში".

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.