კახა კალაძის თქმით, თბილისის მთავრობა გეგმავს, რომ გუდიაშვილის მოედანზე არსებული სივრცეები აუქციონზე გაიტანოს და ბიზნეს სექტორზე გაასხვისოს. ამის შესახებ დედაქალაქის მერმა თბილისის მუნიციპალიტეტის სხდომაზე ისაუბრა.

"ჩვენ ბიზნეს სექტორს მივცემთ შესაძლებლობას, რომ ეს სივრცეები, რომელიც არის მუნიციპალური საკუთრება, გამოიყენონ. ანუ ჩვენ მოვამზადებთ დოკუმენტაციას, რომ მოხდეს ამ სივრცეების გამოტანა და გასხვისება ბიზნეს სექტორზე, რათა შემდეგ ეს ყველაფერი სწორად იყოს გამოყენებული", — თქვა კალაძემ.

თბილისის მერის თქმით, გუდიაშვილის მოედანზე არსებულ რეაბილიტირებულ სივრცეებს "პატრონი სჭრიდება". კალაძემ თქვა, რომ დედაქალაქის მერია პროცესში ჩართული იქნება, რათა მოედანზე არსებული სივრცეები სწორად იყო განვითარებული.

რამდენიმე დღის წინ ცნობილი გახდა, რომ თბილისის ცენტრში მდებარე კულტურული მემკვიდრეობის ძეგლი — მიხაილოვის ყოფილი საავადმყოფოს შენობა რუსეთში მოღვაწე ბიზნესმენს, შალვა ბრეუსს აუქციონის წესით გადაეცა.

აღსანიშნავია, რომ ბიზნესმენმა, რომელსაც რუსეთში რუსული კულტურის დიდ მხარდამჭერად მიიჩნევენ, აღმაშენებლის გამზირზე მდებარე 20 610 კვადრატული მეტრის მიწის ნაკვეთი და მასზე განთავსებული რამდენიმეშენობა 16 მილიონ ლარად მიიღო.