პროკურატურის 2021 წლის ანგარიშის მიხედვით, წინა წელს 431 პირის მიმართ დაიწყო სისხლის სამართლებრივი დევნა, აქედან 117 საჯარო მოხელე იყო. მათგან ყველაზე მეტი, 56 სავარაუდო დანაშაულის ჩადენის დროს შინაგან საქმეთა სამინისტროს თანამშრომელი იყო.

ბრალდებულ საჯარო მოხელეებიდან 34 ადგილობრივი თვითმმართველობის, 6 კი სპეციალური პენიტენციური სამსახურის თანამშრომელი იყო.

ფოტო: კადრი ვიდეოდან/პროკურატურა

პროკურატურის ინფორმაციით, 2021 წელს სისხლისსამართლებრივი დევნა დაიწყო 112 პირის მიმართ, რომლებიც კორუფციული დანაშაულის ჩადენის მომენტში დასაქმებულები იყვნენ საჯარო სექტორში. ეს ფიზიკურ ბრალდებულ პირთა საერთო მაჩვენებლის 42%-ია.

ანგარიშის მიხედვით, 14 ბრალდებული იყო მაღალი თანამდებობის პირი, როგორიცაა:

  • მინისტრის მოადგილე;
  • საჯარო სამართლის იურიდიული პირის თავმჯდომარე;
  • საჯარო სამართლის იურიდიული პირის ვიცე-პრეზიდენტი;
  • მუნიციპალიტეტის გამგებელი;
  • მუნიციპალიტეტის მერის მოადგილე;
  • თბილისის მერიის რაიონული გამგებლის მოადგილე;
  • საკრებულოს წევრი.

ბრალდებულ საჯარო მოხელეთა უდიდეს ნაწილს შეადგენს ადგილობრივ თვითმმართველობის ორგანოებში დასაქმებული პირები — 68, რაც საჯარო მოხელეთა 60%-ია.

დღეს, 17 თებერვალს პროკურატურა 2021 წლის ანგარიშს წარადგენს.