გორის მერმა, ვლადიმერ ხინჩეგაშვილმა არ უპასუხა TV პირველის ჟურნალისტის კითხვას, რომელიც მას მერიის წინასაახალწლო ღონისძიებების გეგმებზე ეკითხებოდა. ხინჩეგაშვილმა ჟურნალისტს უთხრა, რომ კომენტარს მაშინ მისცემდა, როცა "ტყუილებს თავს დაანებებენ".

"გითხარით, ვაკეთებ კომენტარს-მეთქი, რომ მელოდებოდით?! არ მითქვამს. რატომ მელოდებოდით?! გითხარით, არ ვაკეთებ კომენტარს. თუ რატომ არ ვაკეთებ კომენტარს, გეუბნებით, იმიტომ, რომ ტყუილებს რომ დაანებებთ თავს, მერე დაგელაპარაკებით", — განუცხადა მერმა ჟურნალისტს.