თბილისში, სანზონაში მოზარდის მკველობის საქმეზე დაკავებულ 2 არასრულწლოვანს აღკვეთის ღონისძების სახით წინასწარი პატიმრობა შეეფარდა. როგორც On.ge-ს საქალაქო სასამართლოში განუცხადეს, წინასასამართლო სხდომა 6 იანვარს ჩაინიშნა.

15 წლის მოზარდი სანზონაში 4 დეკემბერს მოკლეს. შინაგან საქმეთა სამინისტროს ინფორმაციით, მიყენებული დაზიანებების შედეგად ის საავადმყოფოში გარდაიცვალა. არასრულწლოვნები 5 დეკემბერს დააკავეს.

უწყების ცნობით, ერთ-ერთი, 2005 წელს დაბადებული ლ.ი წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ბრალდებითაა დაკავებული, ხოლო 2004 წელს დაბადებულ პ.ვ.-ს განსაკუთრებით მძიმე დანაშაულის შეუტყობინებლობას ედავებიან.

მათივე განცხადებით, გამოძიება სისხლის სამართლის კოდექსის 109-ე მუხლის მე-2 ნაწილის "ბ" ქვეპუნქტით და 376-ე მუხლის მე- 3 ნაწილით მიმდინარეობს, რაც წინასწარი შეცნობით, არასრულწლოვნის მიმართ დამამძიმებელ გარემოებაში ჩადენილ განზრახ მკვლელობასა და განსაკუთრებით მძიმე დანაშაულის შეუტყობინებლობას გულისხმობს.