იმედა კლდიაშვილმა პარტია გირჩი — მეტი თავისუფლება დატოვა. ამის შესახებ მან თავის Facebook გვერდზე დაწერა. კლდიაშვილი ამბობს, რომ პოლიტიკოსობას და ზოგადად პარტიულ საქმიანობას დიდი რესურსი ჭირდება, დროც და ფინანსებიც, რომლის რესურსიც მისი განმარტებით, ამ ეტაპზე არ აქვს. ის, ასევე, საუბრობს აზრობრივ სხვაობაზე არჩევნების პერიოდში მიღებულ გადაწყვეტილებებსა და შემდეგ პერიოდშიც.

"ამ ადგილობრივი არჩევნების პერიოდში ბევრი რამ მოხდა, ბევრი რამ გავიგე ახალი და საკმარისი გამოცდილებაც მივიღე რომ რაღაც დასკვნები გამეკეთებინა. ახლა ახალი ეტაპი იწყება — არჩევნების მერე პერიოდი. პირადად მე არჩევანი უნდა გამეკეთებინა გავაგრძელებდი თუ არა გირჩი — მეტი თავისუფლების პოლიტიკოსად პოზიციონირებას და ზოგადად პარტიულ საქმიანობას", — წერს კლდიაშვილი.

On.ge-ს პარტიაში უთხრეს, რომ კლდიაშვილის ამ გადაწყვეტილებას პატივს სცემენ. იმედია კლდიაშვილი თვითმმართველობის არჩევნებში ქუთაისის ვიცე-მერობის კანდიდატი იყო.