ისანი-სამგორის მე-7 რაიონულ განყოფილებასთან შოთა პაკელიანის ოჯახის წევრები და მეგობრები ამ წუთებში აქციას მართავენ. აქციას თეთრი ხმაურის მოძრაობის აქტივისტებიც შეუერთდნენ.

დემონსტრანტები ითხოვენ იმ ორი პოლიციელის თანამდებობიდან გათავისუფლებას, რომლებსაც ბრალად პაკელიანის ჩემა ბრალდებათ. თეთრი ხმაურის მოძრაობის წევრის, ბექა წიქარიშვილის თქმით, აღნიშნულ პოლიცილებეს არ აქვთ მორალური უფლება ჰქონდეთ სამართალდამცველების სტატუსი. აქციის მონაწილეები მოუწოდებენ შესაბამის უწყებებს დააკმაყოფლდეს მათი ეს მოთხოვნა, წინააღმდეგ შემთხვევაში კი უფრო მასშტაბური აქციებით იმუქრებიან.

"ეს უნდა იყოს ბოლო ფაქტი, რომელიც ამ ქვეყანაში მოხდა. ეს უნდა იყოს ბოლო შემთხვევა. მთელი საქართველო ჩვენს გვერდით არის. სამარცხვინო შინაგან საქმეთა სამინისტროს განცხადება, რომლებიც ამბობენ, რომ შოთა პაკელიანს თურმე პრეტენზია არ ჰქონია პოლიციელების მიმართ, აქ [აქციაზე] კარგად ჩანს რამდენ ადამიანს აქვს პრეტენზია პოლიციელების მიმართ და კიდევ უფრო მეტ მოქალაქეს აქვს პრეტენზია და ჩვენ ყველაფერს ვიზამთ, რომ ერთხელ და სამუდამოდ დამთავრდეს ამ ქვეყანაში ძალადობრივი მეთოდები."

ოჯახის წევრები ამტკიცებენ, რომ სამართალდამცავები შოთა პაკელიანს დაკავებისას სცემეს, რის გამოც ის საავადმყოფოში ოთხი დღის განმავლობაში უგონო მდგომარეობაში იმყოფებოდა.

თავის მხრივ, შინაგან საქმეთა სამინისტრო ამტკიცებს, რომ თავად ბრალდებულს პოლიციის მიმართ პრეტენზია არ გააჩნია.