სამოქალაქო აქტივისტებისა და ოპოზიციონერი პოლიტიკოსების პროტესტს სახელმწიფო უსაფრთხოების სამსახურის წინააღმდეგ დეპუტატი, სალომე სამადაშვილიც შეუერთდა. Facebook გვერდზე გამოქვეყნებულ პოსტზე ის სუს-ში "დაჩექინდა" და დაწერა, რომ დღემდე დემოკრატიის ევოლუციური გზის სჯეროდა, ახლა — რევოლუციურის. .

დღეს, 3 ოქტომბერს სახელმწიფო უსაფრთხოების სამსახურმა განცხადება გაავრცელა, რომლითაც სოციალურ ქსელებში "რევოლუციურ მოწოდებებს" გამოეხმაურა და მოქალაქეები სასჯელზე გააფრთხილა.

სუს-ის მტკიცებით, ბოლო დროს სოციალურ ქსელებსა და მასობრივი ინფორმაციის საშუალებებში მოქალაქეები განზრახ თუ გაუცნობიერებლად პირდაპირ მოუწოდებენ თანამოაზრეებს "რევოლუციისა და ხელისუფლების დამხობისკენ, მათ შორის ძალადობრივი გზებით". ამის ფონზე უწყება აცხადებს, რომ სახელმწიფო ხელისუფლების დამხობისკენ, მსგავსი მოწოდების შემცველი მასალის გავრცელება, ამავე მიზნით შეიარაღებული მოწოდება სისხლის სამართლის დანაშაულია და ისჯება თავისუფლების აღკვეთით 3 წლამდე.

მას შემდეგ რაც სუს-მა სოციალურ ქსელში რევოლუციური განწყობების შესახებ განცხადება გაავრცელა, მოქალაქეები "რევოლუციას" პოსტავენ.

ამავე თემაზე: