პატრიარმა, ილია II-მ თვითმმართველობის არჩევნების მეორე ტურზე საკუთარი არჩევანი დააფიქსირა. მას გადასატანი ყუთი საპატრიარქოს რეზიდენციაში მიუტანეს.

"დღეს ჩვენ ვლოცავთ საქართველოს. დღეს ვირჩევთ მომავალს, იმედით ვართ, ღმერთმა დალოცოს, გააძლიეროს საქართველო, იმედით ვუყურებთ მომავალს. დაგლოცოთ ღმერთმა", — განაცხადა მან ხმის მიცემის შემდეგ.

დღეს, 30 ოქტომბერს ადგილობრივი თვითმმართველობის არჩევნების მეორე ტური გაიმართება. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში აირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი.