თბილისის რესპუბლიკურ საავადმყოფოში ხანდაზმული კოვიდპაციენტი, 111 წლის ქალი გამოჯანმრთელდა. როგორც კლინიკაში On.ge-ს განუცხადეს, ქალი საავადმყოფოში დაახლოებით, 12 დღის წინ მოათავსეს. მას საავადმყოფოდან ხვალ, 6 სექტემბერს გაწერენ.

5 სექტემბრის მონაცემებით, საქართველოში კორონავირუსის 2 210 ახალი შემთხვევა დადასტურდა, გამოჯანმრთელდა 5 587, ხოლო გარდაიცვალა — 74 ადამიანი.

ქვეყანაში Covid-19-ის პანდემიის გავრცელებიდან დღემდე დადასტურებული შემთხვევების საერთო რაოდენობა შეადგენს 564 837-ს, მათგან გამოჯანმრთელდა — 514 768, ხოლო ვირუსს ჯამში ემსხვერპლა 7 806 ადამიანი.

Stopcov.ge-ზე გამოქვეყნებული ინფორმაციის თანახმად, ამ დროისათვის სულ ჩატარდა 1 314 104 აცრა, დღიურად აცრილია — 22 733 ადამიანი.