"ჩემი ზაფხული აქ არის" MY.GE & Visa-ს კოლაბორაციით შექმნილი ახალი კამპანიაა, რომელიც 2021 წლის ზაფხულში, აგიხდენს შენს შორეულ ოცნებებს აქ.ახლა საქართველოში და შენს ზაფხულს თავბრუდამხვევ თავგადასავლად აქცევს.

"ბიუჯეტური საერთაშორისო ავიახაზების განვითარებასთან ერთად და დასავლეთთან ინტეგრაციის შედეგად, მოგვეცა შესაძლებლობა, ბოლო წლების განმავლობაში აქტიურად გვემოგზაურა საზღვარგარეთ და გაგვეცნო ახალი კულტურები. თუმცა უკანასკნელი ორი წლის განმავლობაში ეს ყველაფერი გართულდა და დავიწყეთ ჩვენი ქვეყნის აღმოჩენა. ცხადი გახდა რომ, ის ყველაფერი რასაც შორეულ მხარეებში ვეძებდით და გვაბედნიერებდა, ჩვენსავე სამშობლოში გვქონია. ამაში თვალნათლივ ჩვენ დაგარწმუნებთ", — ამბობენ My.ge-ში.

ფოტო: MY.GE

Mytravel კამპანიის ფარგლებში ქმნის საქართველოს ახალ ციფრული იდენტობას, რომელიც საფოსტო მარკებად და სტიკერებად იქცა, რომელიც FB თუ IG სთორებში და პოსტებში შენს ციფრულ სივრცეს გაალამაზებს. ხოლო, მარკებს მიიღებს თითოეული მომხმარებელი, რომელიც აგვისტოს განმავლობაში დაჯავშნის სახლს თუ სასტუმროს.

ფოტო: MY.G

ასევე, კამპანიის ფარგლებში შემოგთავაზებენ სტატიებს ციკლს, რომელიც დაგეხმარება სასურველი ლოკაციის შერჩევაში, ზუსტი ადგილმდებარეობის თუ გზების მოძებნაში და მოგცემს ლოკაციასთან დაკავშირებულ ყველა საჭირო რეკომენდაციას.

Mytravel-ზე, ინტეგრირებულია ხელოვნური ინტელექტის მოდული, რომელიც შეგიძლია შენს ციფრულ წინამძღოლად აქციო. თუ გაქვს საოცნებო ადგილი დედამიწის რომელიმე წერტილში, AI დაამუშავებს მონაცემებს და ანალიზის საფუძველზე, გაპოვნინებს მის ანალოგს აქვე, საქართველოში. ასევე, შეგიძლია ბედს მიენდო და შემთხვევითობის პრინციპით მიიღო რეკომენდაცია ჩვენი ჭკვიანი რობოტისგან.

საქართველოში აქტიურად ვმოგზაურობ მოტოციკლით, რა დროსაც ხშირად მიფიქრია, რომ დედამიწის ეს პატარა რეგიონი, მთელი გარემომცველი სამყაროს მრავალფეროვნებას მოიცავს. აქ ყველაფერს იპოვი, რასაც შეიძლება სხვა ქვეყნებში ეძებდე. ამიტომ გადავწყვიტეთ, შეგვექმნა კამპანია, რომელიც ასახავდა ამ იდეას, თითოეულ ადამიანს შეუძლია იპოვოს საქარველოში შორეული ოცნება და აქვე აიხდინოს ის.

მურთაზ ფუტკარაძე.

გასულ წელს, რთული 2020-ის დასაძლევად, Myhome-მა Visa-სთან ერთად შექმნა კამპანია - "შენი ზაფხული აქ არის", რომელმაც გაიმარჯვა ტურიზმის ეროვნულ დაჯილდოებაზე კატეგორიაში THE BEST PR CAMPAIGN FOR SUPPORTING DOMESTIC TOURISM. მათ საქართველოს დამალული მარგალიტების შესახებ უამბეს 2 მილიონამდე ადამიანს, ხოლო, მოთხოვნა ტურისტულ ქონებაზე 35%-ით გაიზარდა ზაფხულის განმავლობაში.

ჩვენ მოხარულნი ვართ Mytravel-თან ერთად ახალი პროექტის დაწყებით. კამპანიის ფარგლებში, ჩვენ ჩავუშვით მომხმარებელზე ორიენტირებული, მოსახერხებელი პლატფორმა მათთვის, ვისაც უყვარს მოგზაურობა, თუმცა დაგეგმვას სირთულეებთან აკავშირებს. ჩვენი მიზანია, ხელი შევუწყოთ ტურიზმის ინდუსტრიის განვითარებას საქართველოში, შევუქმნათ მომხმარებელს უნიკალური გამოცდილება ვებ-გვერდზე უძრავი ქონების მოძებნა-დაჯავშნისას და Visa ბარათით გადახდისას, სპეციალური პირობების მიღებით. პლატფორმა ხელმისაწვდომია, როგორც საქართველოს მოქალაქეებისთვის, ასევე ტურისტებისთვის, რათა აღმოაჩინონ დღემდე შეუცნობელი საქართველო, დედამიწის ის უმცირესი ნაწილი, მთელი სამყაროს სიმდიდრეს რომ აერთიანებს.

დიანა კიღურაძე, Visa-ს რეგიონალურმა მენეჯერი კავკასიის რეგიონში.

"MY.GE-სთვის ყოველთვის მნიშვნელოვანი იყო ტურისტული ბიზნესების მხარდაჭერა, ამიტომ 2020-ის მსგავსად დავუმეგობრდით Visa-ს. ამ წელს კიდევ უფრო დიდი გეგმები გვაქვს და შემოგთავაზებთ მრავალ სიახლეს. ხოლო, Visa ბარათით გადახდისას მიიღებს 30% ფასდაკლებას, მაქსიმუმ 150₾-ის და სასიამოვნო მოულოდნელ საჩუქრებს", — აცხადებენ კომპანიაში.