მარსისკენ მიმავალი ასტრონავტებისთვის ყველაზე დიდი საფრთხე არა იქაური კლიმატი ან საკვების მარაგის ამოწურვა - არამედ გამა სხივების რადიაციაა, რომელიც ადამიანთა ორგანიზმს ნელ-ნელა ანგრევს. ცხადია, ასეთ პირობებში ხალხს არავინ გაუშვებს, ამიტომ კომპანია StemRad-მა ახალი ანტირადიაციული სამოსი AstroRad შექმნა, რომელიც პირველად 2018 წელის ბოლოს, მთვარის მისიის დროს გამოიცდება.

სამოსის ფენების შექმნისას მეტალი არ გამოუყენებიათ, ეს დამცველები თითოეული ასტრონავტის სხეულზე იქნება მორგებული და მათ სიცოცხლეს დაიცავს.

რასაც ფოტოზე ხედავთ, უბრალოდ მოდელია, თუმცა პირველი მოდელები 2017 წლის დასასრულისთვის იქნება მზად.

პირველი ტესტი ადამიანზე არ ჩატარდება. ორიონის მისიის ბორტზე ორი მანეკენი იქნება, ერთს AstroRad ეცმევა, მეორეს - არა. მეცნიერები დაცულ და დაუცველ მანეკენებს შეადარებენ და გაიგებენ, გამოდგება თუ არა ეს სამოსი რადიაციისგან დასაცავად.

ტესტირების წარმატებით განხორციელების შემთხვევაში, AstroRad-ს არამარტო მარსის მისიაში, არამედ სხვა კოსმოსური მგზავრობებისთვისაც გამოიყენებენ. ცხადია, ახალი სამოსი ასტრონავტებს მზის ქარების ან სხვა ტიპის რადიაციის პირობებში დიდხანს მუშაობის საშუალებას ვერ მისცემს, მაგრამ მათ ბევრად მეტი დრო ექნებათ თავშესაფრამდე მისასვლელად.