ორი ადამიანი დაიღუპა და მინიმუმ 19 დაიკარგა დღეს დილით ცენტრალურ იაპონიაში უხვის ნალექის შედეგად. ძლიერი წვიმის შედეგად წარმოქმნილმა უზარმაზარმა მეწყერმა წაიღო სახლები, განადგურდა, გზები და ინფრასტრუქტურა.

სახანძრო და კატასტროფების მართვის სააგენტოს განცხადებით, 80-მდე სახლი მიწაში ჩაიფლო. The Guardian-ის ცნობით, სტიქიის ეპიცენტრი საკორორტო ქალაქ ატამიშია, რომელიც იაპონიის დედაქალ ტოკიოდან 90 კილომეტრით არის დაშორებული.

ქვეყნის პრემიერმინისტრმა ადგილზე მცხოვრებლებს ფხიზლად ყოფნა და სიფრთხილის გამოჩენა სთხოვა.

"შესაძლოა უფრო ძლიერი ნალექი იყოს და საჭიროა სიფრთხილის მაქსიმალური დაცვა", — განაცხადა პრემიერმინისტრმა.

იაპონიის დიდი ნაწილში ახლა წლიური წვიმიანი სეზონია, რაც რამდენიმე კვირა გრძელდება და ხშირად წყალდიდობებსა და მეწყერებს იწვევს, რის გამოც ადგილობრივმა ხელისუფლებამ ევაკუაციის ბრძანებები გასცა.