შინაგან საქმეთა სამინისტრომ წალკის მუნიციპალიტეტის ერთ-ერთ სოფელში TV პირველის გადამღები ჯგუფისთვის პროფესიულ საქმიანობაში ხელის შეშლისა და ფიზიკური შეურაცხყოფის გამო გამოძიება დაიწყო.

უწყების ცნობით, გამოძიება სისხლის სამართლის კოდექსის 126-ე და 154-ე მუხლებით დაიწყო, რაც ძალადობასა და ჟურნალისტურ საქმიანობაში ხელის შეშლას გულისხმობს.

TV პირველის ჟურნალისტსა და ოპერატორს წალკაში, სოფელ წინწყაროში, გადაღების დროს თავს დაესხნენ და ფიზიკურად გაუსწორდნენ, დამტვრეულია აპარატურა. ჟურნალისტის ინფორმაციით, თავდასხმაში გამგებლის ბიძაც მონაწილეობდა.