შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, მდინარე რიონში კაცს ამ დრომდე ეძებენ. უწყების განცხადებით, მის მოსაძებნად ჰესების სათავე-ნაგებობის საგუბარებს წყლისგან დაცლიან.

"ოპერაციის ფარგლებში, 7 მაისის 08:00 საათიდან 9 მაისის 18:00 საათამდე იგეგმება გუმათჰესების კასკადისა და რიონჰესის სათავე-ნაგებობის საგუბარების წყლისგან დაცლა. ტერიტორიაზე იმუშავებენ სახანძრო-სამაშველო ჯგუფები", — ნათქვამია ოფიციალიურ განცხადებაში.

მდინარე რიონში კაცი 10 აპრილს გაუჩინარდა. გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.