ფინანსთა მინისტრი, ლაშა ხუციშვილი ჩინური წაროების ვაქცინა სინოფარმით აიცრა. როგორც მან აღნიშნა, იმუნიზაციის პროცესი ძალიან მნიშვნელოვანია და ვისაც აქვს შესაძლებლობა და შესაბამისი რეკომენდაცია მედიკოსებისგან, აცრა უნდა გაიკეთოს.

"პირველ რიგში, მინდა აღვნიშნო, რომ არანაირი მნიშვნელობა არ აქვს ვაქცინის დასახელებას და წარმოშობას იმ შემთხვევაში, როდესაც უკვე მილიონობით ადამიანია აცრილი კონკრეტული ვაქცინით. ვაქცინა არის კარგი! შესაბამისად, შეგვიძლია ვენდოთ ვაქცინაციის პროცესს.

ძალიან მნიშვნელოვანია ის, რომ ვაქცინაციით შესაძლებელია ასობით და ათასობით ადამიანის სიცოცხლის გადარჩენა. ამ კონკრეტულ შემთხვევაში ავიცერი სინოფარმის წარმოების ვაქცინით, თუმცა კიდევ ერთხელ ვიმეორებ, არანაირი მნიშვნელობა არ აქვს ვაქცინის დასახელებას. ყველა ვაქცინა მისაღებია და ყველა ვაქცინით შესაძლებელია იმ მიზნის მიღწევა, რაც არის დასახული — კონკრეტულად კი, ადამიანების სიცოცხლის გადარჩენა", — ხუციშვილმა.

სინოფარმით ვაქცინაცია 4 მაისს დაიწყო იმუნიზაციის პროცესში ჩართულ 30 დაწესებულებაში დაიწყო. 5 მაისიდან კიდევ 44 სამედიცინო დაწესებულება ემატება.

სინოფარმს WHO-ს ავტორიზაცია ჯერ არ მიუღია. ჯანდაცვის სამინისტროში აცხადებენ, რომ სინოფარმით აცრა "ავტორიზაცია მალე დაეწევა".

"200 მილიონ დოზაზე მეტი აქვს გაცემული სინოფარმის მწარმოებელს სხვადასხვა ქვეყნებისთვის და ძალიან ფართო მოცვა არსებობს უკვე ამ ვაქცინის. მისი უსაფრთხოების შესახებ არ არის კითხვის ნიშნები. ამდენად ჩვენ დავიწყეთ ვაქცინაციას და ვფიქრობთ, რომ ჯანმოს ავტორიზაციაც მალევე დაეწევა, თუ არ დაასწრებს", — განაცხადა ჯანდაცვის მინისტრის მოადგილემ, თამარ გაბუნიამ.

27 აპრილს ცნობილი გახდა, რომ ჩინურ ვაქცინა სინოფარმზე რეგისტრაცია 18 წლის ზემოთ მოქალაქეებსაც შეეძლებათ. ჯანდაცვის მინისტრ ეკატერინე ტიკარაძის თქმით, ამის საფუძველი არაერთი კვლევაა, სადაც 18-დან 60 წლამდე მოქალაქეებისთვის სინოფარმი არის უსაფრთხო ვაქცინა.

WHO-ს ნებართვის მიღების შემთხვევაში, ჩინური Sinopharm იქნება პირველი ვაქცინა არადასავლური ქვეყნიდან, რომელმაც ჯანდაცვის მსოფლიო ორგანიზაციისგან მიიღო ნებართვა. ამ ეტაპზე კი, WHO-ს საგანგებო გამოყენების ნებართვა გაცემული აქვს ისეთი ვაქცინებისთვის, როგორიცაა Pfizer-BioNTech, AstraZeneca and Johnson & Johnson.