დაავადებათა კონტროლის ცენტრის დირექტორის, პაატა იმნაძის განცხადებით, მოსახლეობის 60%-ის წლის ბოლომდე აცრა ძალიან რეალისტურია. ამის შესახებ მან ფორმულას ეთერში ისაუბრა.

"კი, ძალიან რეალისტურია ეს [წლის ბოლომდე 60%-ის აცრა] იმიტომ, რომ ჩვენ გვაქვს ამის გამოცდილება, როგორ შეიძლება უფრო ფართოდ გაიშალოს. მოგეხსნებათ, ტრაგიკული შემთხვევის მერე ვთქვათ, რაც მოხდა დასაწყისში ვაქცინაციის კამპანიის , შეიზღუდა სავაქცინო ადგილები მხოლოდამხოლოდ კლინიკებით, ისიც ყველა კლინიკაში ახლა, ახლა კლინიკები გაფართოვდა და უკვე სინოფარმზე ჩაერთო პოლიკლინიკური ქსელი", — განაცხადა მან.

დღეის მონაცემებით (28 აპრილი), საქართველოში სულ აცრილია 41 801 ადამიანი, დღიურად აცრილია საშუალოდ 1 706. ვაქცინაცია 15 მარტიდან დაიწყო და ამჯერად გამოყენებულია ფაიზერის და ასტრაზენეკას ვაქცინები. ასევე, რამდენიმე დღეში დაიწყება აცრა სინოფარმითაც.