დაავადებათა კონტროლის ცენტრის ხელმძღვანელი, ამირან გამყრელიძე ამბობს, რომ კორონავირუსზე ორჯერადად აცრილ ადამიანებს შესაძლოა, შეზღუდვებზე შეღავათები შეეხოთ. გამყრელიძის თქმით, რიგ ქვეყნებში ვაქცინირებულ ადამიანებს გარე სივრცეში პირბადის ტარების ვალდებულება არ აქვთ და კომენდანტის საათის დროსაც თავისუფლად გადაადგილდებიან.

"დაავადებათა კონტროლის ცენტრი აპირებს, შესაბამისი ინიციატივით შევიდეს საკოორდინაციო საბჭოში, რომ ამ ადამიანებს შეზღუდვების პირობებში შესაბამისი შეღავათები ჰქონდეთ. რამდენიმე პუნქტი, რაც საერთაშორისო გამოცდილებით არის, მათ შორის, კომენდანტის საათის დროს თავისუფალი გადაადგილება, უცხოეთში მგზავრობის დროს დოკუმენტის მიცემა. კიდევ სხვა ინიციატივებზე ვმუშაობთ, რომელსაც წინასწარ ვერ გავაჟღერებთ, რომ საერთოდ მოსახლეობას ჰქონდეს უფრო მეტი დაინტერესება, რომ სწრაფად და სრულად იყვნენ აცრილი", — აღნიშნა გამყრელიძემ.

ამ ეტაპისთვის ქვეყანაში კორონავირუსზე ვაქცინა სულ 41 801 ადამიანს აქვს გაკეთებული.