ქართული ოცნების ცენტრალურ ოფისთან საპროტესტო აქცია მიმდინარეობს. შეკრებილები TV პირველის ეთერში გასულ ფარულ ჩანაწერებს ეხმაურებიან, სადაც, სავარაუდოდ, ისმის ირაკლი ღარიბაშვილისა და ბერა ივანიშვილის ხმები. ტელევიზიის ინფორმაციით, ისინი კონკრეტული პირების, მათ შორის ბავშვების დასჯაზე საუბრობენ, რადგან მათი კომენტარები არ მოეწონათ.

ქართულ ოცნებასთან აქტივისტები მივიდნენ პლაკატებით, რომლებსაც აწერია: "BERA მოძალადე ტიკ-ტოკერი", "ივანიშვილის მაფიოზური ოჯახი", "მამიკოს ბიჭი კანონის წინაშე აგებს პასუხს" და სხვა. აქციის მონაწილეებმა წარწერები გააკეთეს ასფალტზეც.

ადგილზე მობილიზებულია პოლიცია.

დღეს მამუკა მდინარაძემ თქვა, რომ ჩანაწერები 2010 წელსაა გაკეთებული და ფაბრიკაციაა.