საქართველოს ეკონომიკისა და მდგრადი განვითარების მინისტრი გიორგი გახარია გია ჟორჟოლიანის ეკონომიკურ ხედვებს გამოეხმაურა. მინისტრის თქმით, საქართველოს ეკონომიკური პოლიტიკა სრულ თანხვედრაშია კონსტიტუციურ ნორმებთან, რომლებიც დღეს მოქმედებს.

"ჩვენ ძალიან კარგად გვესმის, რა მნიშვნელობა აქვს განსაკუთრებით საგადასახდო ნაწილში სტაბილურობის შეგრძნებას ინვესტიციებისთვის. ეს თემა დღის წესრიგში არ დგას - არც გადასახადების ზრდის ჭრილში და არც საკონსტიტუციო ცვლილების ჭრილში," - აღნიშნა ეკონომიკისა და მდგრადი განვითარების მინისტრმა.

გია ჟორჟოლიანისა და პარტია სოციალ-დემოკრატების ეკონომიკური ხედვა რამდენიმე დღის წინ გახდა ცნობილი. მათი აზრით, აუცილებელია იმ საკონსტიტუციო ჩანაწერის ამოღება, რომელიც ახალი გადასახადის დაწესებას, ან გადასახადის გაზრდას მხოლოდ რეფერენდუმის მეშვეობით ხდის შესაძლებელს.