ფილმ Enchanted-ის შეყვარებული წყვილი კიდევ ერთხელ დაუბრუნდება ეკრანებს.

Dinsey+ ფილმის სიქველს — Disenchanted გადაიღებს. ადვოკატ, რობერტ ფილიპის როლს ისევ პატრიკ დემპსი შეასრულებს, 2007 წელს გამოსულ ფილმში, მსახიობს ემი ადამსი უწევდა პარტნიორობას.

"მეორე ნაწილის სცენარი ახლახანს მივიღე, გავეცნობი და მერე მსახიობები ერთად განვიხილავთ. გადაღებების დაწყება გაზაფხულზე იგეგმება, რაც ძალიან მახარებს", — განაცხადა მსახიობმა

დემპსიმ ადამსი შეაქო, ფილმის პირველ ნაწილში შესრულებული ჟიზელის როლისთვის. Enchanted ზღაპრულ პრინცესაზე გვიყვება, რომელიც დაქორწინებას აპირებს, მაგრამ ბოროტი დედოფალი ნიუ იორკში გადაასახლებს, სადაც ადამსის პერსონაჟს რობერტ ფილიპი უყვარდება.

"ემი ადამსი ამ ფილმში გასაოცარია და პროექტზე მუშაობა სახალისო იყო", — აღნიშნა მსახიობმა.

დისნეიმ ფილმის სიქველი, ემი ადამსით მთავარ როლში, 2018 წელს დაანონსა. როგორც ადამ შენკმენმა, ფილმის რეჟისორმა რამდენიმე წლის წინ თქვა "ფილმი ჟიზელის ცხოვრებაზე მოგვიყვება, 10 წლის შემდეგ და გვიჩვენებს როგორია დიდხანს და ბედნიერად ცხოვრება".