საქართველოს დემოკრატიული ინიციატივის დაკვირვებით, 2015 წლის ოქტომბერში, 2016 წლის ოქტომბერთან შედარებით პოლიციამ 62 პროცენტით მეტი მძღოლი დააჯარიმა, ხოლო 2014 წელს 63 პროცენტით მეტი.

GDI-ს კითხვებს უჩენს სექტემბრისა და აგვისტოს მონაცემებიც. ორგანიზაციის ცნობით, 2016 წლის სექტემბერთან შედარებით, 2014 წლის სექტემბერში პოლიციამ 42 პროცენტით მეტი მძღოლის მიმართ გამოიყენა ადმინისტრაციული პასუხისმგებლობა, ხოლო 2015 წელს 61 პროცენტით.

GDI-ს ცნობით, 45 პროცენტით მეტი მძღოლი დააჯარიმა პოლიციამ 2014 წლის აგვისტოში, 2016 წლის აგვისტოსთან შედარებით. 2015 წელს კი - 57 პროცენტით

აღნიშნული მონაცემებიდან გამომდინარე, GDI ვარაუდობს, რომ პოლიცია წინასაარჩევნო პერიოდში თავს იკავებდა მძღოლების დაჯარიმებისგან:

"რაც შეესაბამება საზოგადოების ნაწილში არსებულ შეხედულებას, რომ ხელისუფლება რეპრესიული მექანიზმების შერბილებით ცდილობდა გავლენა მოეხდინა ამომრჩეველთა განწყობებზე და იყენებდა სამართალდამცავ ორგანოს პოლიტიკურ პროცესში."