არსებობს ნივთები, რომლებიც სულ რაღაც 50-100 წლის წინ გამოიგონეს, თუმცა დღეს მათ გარეშე ცხოვრება არათუ არაკომფორტულია, უბრალოდ, წარმოუდგენელია.

მაგალითად, როგორ ინახავდნენ ჩვენი წინაპრები პროდუქტს მაცივრის გარეშე? ან გაზქურის გარეშე როგორ ამზადებდნენ კერძებს? როგორ თბებოდნენ გათბობის სპეციალური სისტემების გარეშე და კითხვა, რომელიც მილენიალებს დღემდე გვტანჯავს: როგორ ახერხებდნენ ჩვენი მშობლები მობილური ტელეფონების გარეშე საქმიანი შეხვედრების დათქმას?

ცივილიზაციას ადამიანის სიზარმაცე და კომფორტის სურვილი ავითარებს. მართლაც, დღეს ტექნიკა ჩვენ ნაცვლად უამრავ რამეს აკეთებს: რეცხავს ჭურჭელს და სარეცხს, მარტივად გვაკავშირებს ცოდნასთან და ერთმანეთთან.

არსებობს ტექნიკა, რომელთა გარეშეც ძნელად, მაგრამ მაინც ვიცხოვრებთ, მაგრამ ზოგიერთი მათგანის გარეშე, განსაკუთრებით ქალაქებში ცხოვრება, დღეს უბრალოდ წარმოუდგენელია.

მაცივარი

ოდესმე დაფიქრებულხართ, სად ინახავდნენ ჩვენი წინაპრები პროდუქტებს მაშინ, როცა არც ელექტროენერგია არსებობდა და არც — მაცივრები? როგორც წესი, სოფლად, მაცივრის მაგივრობას მიწაში ან კლდესთან ამოთხრილი ორმოები სწევდა. ცნობილია, რომ ჩვენი წინაპრები ყინულის წარმოებას აქტიურად მისდევდნენ, თბილისი ხომ მაშინაც ცხელ ქალაქად ითვლებოდა. ამიტომაც თოვლ-ყინულს თბილისის შემოგარენიდან ეზიდებოდნენ: კოჯრიდან, ლისიდან, წყნეთიდან, შინდისიდან. ყინულის შესანახი სარდაფები კი თბილისში ყველა სახლს უკეთდებოდა. დღეს პროდუქტების შენახვა გაცილებით მარტივია. მაცივრებს არამხოლოდ გაყინვის ფუნქცია აქვთ, არამედ, თანამედროვე ჭკვიანი ტექნოლოგიები უზრუნველყოფენ პროდუქტების დატენიანებას ისე, რომ მათი სასარგებლო თვისებები შენარჩუნდეს. მაცივრების უახლესი მოდელები კი წყალსადენს უერთდება და სასმელ წყალს აციებს და ფილტრავს.

გამათბობლები

ცნობილია, რომ ჩვენი წინაპრები თავიდანვე ზრუნავდნენ საცხოვრებელი სახლები ისე აეშენებინათ, რომ, პირველ რიგში, ენერგოეფექტური ყოფილიყო, სითბო სწრაფად არ დაკარგულიყო. დღეს უფროდაუფრო მეტი ენერგოეფექტური სახლი შენდება, რაც შეეხება გამათბობლებს მათი არჩევანი ბაზარზე ნამდვილად მრავალფეროვანია. მომხმარებელთა უმეტესობა კი ექსპერტთა რჩევას იზიარებს: ცენტრალური გათბობის სისტემა არამხოლოდ ეკონომიური, არამედ — ეკოლოგიურიცაა; ავტომატურად არეგულირებს ოპტიმალურ ტემპერატურას ბინაში და არის აბსოლუტურად უსაფრთხო, განსხვავებით ბუნებრივ აირსა და დენზე მომუშავე გამათბობლებისგან.

სარეცხი მანქანა

მიუხედავად იმისა, რომ ტანსაცმელს მოხერხებული ადამიანი ბინის პირობებში მაინც გარეცხავს, ეს გრძელვადიანი, მძიმე და დამღლელი სამუშაო პროცესი უკვე წარმოუდგენელია დაკავებული და საქმიანი ადამიანებისთვის. მით უმეტეს, რომ თანამედროვე სარეცხ მანქანებს არამხოლოდ რეცხვის განსხვავებული რეჟიმები აქვთ სხვადასხვა ტიპის ქსოვილისთვის, არამედ გაშრობისა და გაუთოვების პროგრამებიც კი. ამიტომაც სარეცხი მანქანა სიაში, "რომელი ტექნიკის გარეშე ვერ ვიცხოვრებდით" სამართლიანად იმსახურებს მოხვედრას.

გაზქურა

კერიაზე ჯაჭვით ჩამოკიდებული ქვაბი ქართულ მითოლოგიასა და კულტურაში კვლავ რჩება ოჯახური სითბოს და სიყვარულის გამოსახვის მნიშვნელოვან დეტალად. თუმცა მას მერე ქართული კერძებიც დაიხვეწა და მათი მომზადების საშუალებებიც.

თითქოს, შორს არ იყო ის დროც, როცა 90-იან წლებში კერძებს ელექტროპანელებზე ან ნავთქურებზე ვამზადებდით. თუმცა ის, რაც 30 წლის წინ ყოველდღიურობა იყო, დღეს უკვე წარმოუდგენელიც კია. თანამედროვე გაზქურებს შერეული ტიპის კამფორებით და ღუმელის რამდენიმე აუცილებელი რეჟიმით ვირჩევთ.

შესაძლოა ჩამოთვლილი ტექნიკის გარეშე დღეს ცხოვრება კვლავ შესაძლებელია, მაგრამ კაცობრიობას კომფორტის მოთხოვნილება მუდამ აქვს. შედეგად, თითოეული ტექნიკა ყოველდღიურად იხვეწება და სხვადასხვა, თანამედროვეობას მორგებული რეჟიმი ემატება. ამ და სხვა მნიშვნელოვანი და თქვენთვის საჭირო ტექნიკის შეძენას ონლაინ, გრანდ ელექტრონიქსის ვებგვერდის მეშვეობით შეძლებთ. არ დაგავიწყდეთ, რომ გრანდ ელექტრონიქსში ყოველ პარასკევს დიდი ფასდაკლებები მოქმედებს. 25 სექტემბერს ტექნიკის მაღაზიათა ქსელში განსაკუთრებული ფასები warmhaus-ისა და Beretta-ს გამათბობლებსა და FRANKO-ს წვრილ ტექნიკას შეეხება.