Spotify-ს სურს, უფრო მეტი თავისი ორიგინალური პოდკასტი გარდაქმნას სერიალებად და ფილმებად.

გუშინ, 24 სექტემბერს, კომპანიამ Chernin Entertainment-თან პარტნიორობა დააანონსა, რათა ამ უკანასკნელმა Spotify-ისთვის ექსკლუზიურ და ორიგინალურ პოდკასტებზე დაყრდნობით სერიალები და ფილმები შექმნას. Chernin Entertainment-ს ისეთი პროექტები ეკუთვნის, როგორებიცაა Ford v Ferrari, Hidden Figures და New Girl.

Spotify-ს თქმით, მის ბიბლიოთეკაში ამჟამად 250-ზე მეტი ორიგინალური შოუა, რომელზე მუშაობაც Chernin-ს შეუძლია.

"Spotify-ს დაუნაწილებელი ინტელექტუალური საკუთრების ერთ-ერთი ყველაზე დიდი ბიბლიოთეკა აქვს, რაც დღევანდელ მსოფლიოში არსებობს, და ის დღითი დღე იზრდება. კონტენტის ეს საუნჯე და ახალი ხმებისა და ამბების აქსელერაცია უამრავ შესაძლებლობას გვაძლევს, რომ ეს ჩამთრევი ამბები და ინტელექტუალური საკუთრება საეკრანო კონტენტად ვაქციოთ", — განაცხადა Chernin-მა.

უკვე არსებობს იმის მაგალითები, რომ პოდკასტების ფილმებად და სერიალებად გარდაქმნა კომპანიებისთვის თანხის გამომუშავების პოტენციური შესაძლებლობაა. Chernin, Spotify და Pineapple Street Media უკვე თანამშრომლობენ The Clearing-ის სატელევიზიო ადაპტაციაზე, ხოლო Gimlet Media-მ, რომელსაც ახლა Spotify ფლობს, თავისი შოუ Homecoming უკვე გარდაქმნა Prime Video-ს ორიგინალურ სერიალად.

პოდკასტების შექმნა უფრო იაფი და მარტივია, ვიდრე სერიალების, და მათი მეშვეობით წინასწარ შეიძლება იმის გაგება, თუ რამდენად ღირებულია ამბავი, სანამ სტუდიები მათ საეკრანო ადაპტაციებად გარდაქმნაზე დიდ თანხებს დახარჯავენ. ცნობილი მსახიობებიც კი, როგორიც, მაგალითად, რამი მალეკია, გამოგონილ პოდკასტებში მონაწილეობენ, რათა აუდიოვარსკვლავები გახდნენ იმის პოტენციალით, რომ საკუთარი შოუს ვიზუალურ ადაპტაციაში როლზე მათ დაამტკიცებენ.

Spotify-ს Chernin-თან პარტნიორობა ნიშნავს, რომ მას კარგი რეპუტაციის მქონე პროდიუსირების კომპანია მუდმივად მზად ეყოლება და მოძებნის შესაძლებლობებს, რათა კომპანიის კატალოგიდან ახალი პროექტი შეიქმნას ისე, რომ Spotify-ს ჰოლივუდიდან თანამშრომლების აყვანა არ მოუწიოს.