პარლამენტის დამოუკიდებელი დეპუტატის, ლევან გოგიჩაიშვილის განცხადებით, ის ეპიდემიოლოგებს კონტაქტებს აწვდის და მათ შორის პარლამენტის წევრები და თანამშრომლები არ არიან. გოგიჩაიშვილის თქმით, იმ ხალხის სიას ადგენს, ვისთანაც ბოლო ორი დღის განმავლობაში ჰქონდა შეხება, პარლამენტში კი ბოლოს 5 დღის წინ იმყოფებოდა.

"რა კონტაქტებსაც მთხოვენ, იმათი სიის ნაწილი გადავეცი. ნაწილსაც გადავცემ. სავარაუდოდ, ბოლო ორი დღე შეხება ვისთანაც მქონდა, ის ადამიანები იქნებიან.

წარმოდგენა არ მაქვს, წყარო ვინ არის. პარლამენტში ერთი კვირაა არ ვყოფილვარ. ხუთი დღის წინ ვიყავი სესიაზე. იქაურ კონტაქტებს არ მთხოვენ", — განაცხადა მან On.ge-სთან საუბრისას.

კორონავირუსი დეპუტატსა და მის ცოლს დაუდასტურდათ. გოგიჩაიშვილის თქმით, ბავშვების ტესტების პასუხი უარყოფითია. მისივე თქმით, ექიმებისგან მიიღეს რეკომენდაცია, რომ სტაციონარში გადავიდნენ.

გოგიჩაიშვილის პარტიაში აცხადებენ, რომ უახლოეს დღეებში ჩაუტარდებათ ტესტირება. რაც შეეხება წინასაარჩევნო კამპანიას, მათი თქმით, პარტია პაუზას იღებს.

"აქვე გიდასტურებთ, რომ იმ ღონისძიებებში, რომელიც ბოლო პერიოდში ჩვენი საქართველო — სოლიდარობის ალიანსის ინიციატივით ჩატარდა: 6 სექტემბერს ქუთაისსა და გუშინ თბილისში, ლევან გოგიჩაიშვილი არ მონაწილეობდა", — აცხადებენ ისინი.

გაიგეთ მეტი: