პოლიტიკური პარტია რეფორმერი პარტიის კანდიდატების შერჩევის კამპანიას იწყებს.

რეფორმერი საზოგადოებას სთავაზობს, სოციალურ ქსელში მონიშნოს საკუთარი თავი ან მისთვის სასურველი კანდიდატი ჰეშთეგით #რეფორმერისკანდიდატი.

ეს პარტიის კანდიდატების შერჩევის ახალი და გამჭვირვალე პროცესია. პარტია რეფორმერი პოლიტიკაში ჩართვის შანსს აძლევს ყველას, ვისაც აქვს სურვილი, მონაწილეობა მიიღოს საარჩევნო კამპანიაში, აირჩიოს ან თვითონ გახდეს პარტიის კანდიდატი.

"საქართველოში ბევრი ღირსეული ადამიანია, ვისაც სურს, იყოს პოლიტიკური პროცესების მონაწილე. ჩვენ ვხსნით პოლიტიკაში მოსვლის ბარიერებს და ყველას ვაძლევთ შესაძლებლობას, ჩაერთოს პოლიტიკაში და გახდეს პარტია რეფორმერის კანდიდატი არჩევნებზე. ჩვენ ვამკვიდრებთ ახალ პოლიტიკურ სტანდარტს, პროცესი იყოს ღია და გამჭვირვალე. დღესვე საკუთარი ჩართულობით დავიწყოთ ცვილილებები და ავიღოთ პასუხისმგებლობა ჩვენი ქვეყნის უკეთეს მომავალზე. გელით! ცვლილებების დროა!" — ამბობს პარტიის თავმჯდომარე თორნიკე ჯანაშვილი.

კანდიდატობის მსურველებს შეუძლიათ, სოციალურ გვერდზე რეფორმერის ვიდეოს კომენტარში, საკუთარ გვერდზე ან სასურველი კანდიდატის გვერდზე მონიშნონ @მომხმარებლის სახელი #რეფორმერისკანდიდატი.

პარტია რეფორმერმა საარჩევნო კამპანია უკვე აქტიურად დაიწყო.