"ქართული ანბანის სამი სახეობის ცოცხალი კულტურა UNESCO-ს კაცობრიობის არამატერიალური კულტურული მემკვიდრეობის წარმომადგენლობით ნუსხაშია," - ამის შესახებ კულტურული მემკვიდრეობის დაცვის სააგენტო განცხადებას ავრცელებს.

სააგენტოს ცნობით, გადაწყვეტილება 30 ნოემბერს, ეთიოპიის დედაქალაქ ადის აბებაში UNESCO-ს არამატერიალური მემკვიდრეობის მთავრობათაშორისმა კომიტეტმა მე-11 სესიაზე მიიღო. იგი იუნესკოს მსოფლიო არამატერიალური მემკვიდრეობის ნომინაციაზე ოფიციალურად 2015 წელს წარადგინეს. აღნიშნული ნომინაცია საქართველოს მთავრობისა და კულტურისა და ძეგლთა დაცვის სამინისტროს მხარდაჭერითა და საქართველოს კულტურული მემკვიდრეობის დაცვის ეროვნული სააგენტოს ხელმძღვანელობით მომზადდა.

2015 წლის 19 მარტს, უძველესი ქართული ანბანის სამი სახეობის ცოცხალ კულტურას - ასომთავრულ, მხედრულ და ნუსხურ დამწერლობას არამატერიალური მემკვიდრეობის ეროვნული ძეგლის სტატუსი მიენიჭა.