რუსეთის პრეზიდენტმა ვლადიმერ პუტინმა მსახიობ სტივენ სიგალს კრემლში უმასპინძლა და რუსეთის მოქალაქეობის დამადასტურებელი პასპორტი გადასცა.

ფოტო: SPUTNIK/Reuters

მსახიობმა ჯერ კიდევ სექტემბერში განაცხადა, რომ რუსეთის ფედერაციის მოქალაქეობა სურს.

"მსურს წელიწადში რამდენიმე თვე რუსეთში, ჩემს მეგობრებთან ერთად გავატარო. ადამიანებთან, ვისაც ვუყვარვარ და მელოდებიან", - ამბობდა სიგალი.

როგორც ცნობილია, მსახიობი სულ მალე რუსეთში საკუთარი ბიზნესის დაწყებასაც აპირებს.

ვლადიმერ პუტინის განკარგულებით 2013 წლის იანვარში რუსეთის მოქალაქეობა კიდევ ერთმა მსახიობმა, ჟერარ დეპარდიემ მიიღო.

ფოტო: The Telegraph

მსახიობი სულ მალე სოჭის ოლიმპიადის შესახებ გადაღებულ ფილმში მთავარ როლს შეასრულებს.