დღეს ფორმულა კრეატივის სერიალის, ჩემი ცოლის დაქალების 5 წლის იუბილეა.

სერიალის პირველი ეპიზოდი 2011 წლის 26 ნოემბერს გავიდა რუსთავი 2-ის ეთერში და მას მერე ყოველ წელს ორ-ორი სეზონით ანებივრებს ერთგულ მაყურებელს.

ნახეთ პირველი პრომოები, რომლებიც სერიალის შინაარსს აცნობდა არხის მაყურებლებს. მაშინ ალბათ ვერც კი წარმოიდგენდით, რომ მომავალი 5 წელიწადი ტელეეკრანებს ვერ მოსწყდებოდით.

ამ პრომოში კატო, ნინა და თინა ჩანან, რომლებიც ინტერნეტით კაბის გამოწერასა და შიფინგის პირობებზე საუბრობენ. სამზარეულოში შეწუხებული დათო შემოდის და გვამცნობს, რომ მალე ახალ სერიალს ვიხილავთ.

აქ სამეული არ იცვლება: ნინა და კატო თინას ეპილაციაში ეხმარებიან, დათო კი სამზარეულოში მარტო სადილობს.

ნინას, კატოს და თინას სიმღერით წუხდება დათო, რომელმაც მომავალი 5 წლის განმავლობაში თვითონ უფრო მეტჯერ შეაწუხა ნინა თავისი ქეიფებით. შეიძლება ეს გაუთავებელი სუფრებიც ამ კარაოკეს გამო შურისძიებაა?

ეს კი პირველი სერიის ტრეილერია, რომელიც ვრცლად გვაჩვენებს, რას უნდა ველოდოთ ტიზერებში ნანახი პერსონაჟებისგან.

ამ ხუთი წლის განმავლობაში ჩემი ცოლის დაქალებმა უამრავი ტრანსფორმაცია განიცადა. სერიალი ჟანრობრივადაც მრავალფეროვანია, მასში ხშირია გროტესკი, კომედიური სიტუაციები, დრამა. შემოქმედებითი ჯგუფი ხშირად ეხება მძიმე სოციალურ და კულტურულ პრობლემებს, მაყურებელი კი აქტიურად ერთვება პერსონაჟების ბედის განხილვაში.

ასევე წაიკითხეთ: