2019 წელი დასასრულს მიუახლოვდა და რაკი ამ დროს კომპანიებიც და ადამიანებიც გასულ წელს ვაჯამებთ ხოლმე, გადავწყვიტეთ, ის 10 სტატია გაჩვენოთ, რომელიც 2019 წელს ყველაზე მეტჯერ წაიკითხეს.

10. რატომ ემართებათ ბავშვებს ლეიკემია — 30-წლიანი კვლევის შედეგები - 95,758 წაკითხვა

ფოტო: Narasimha Prasanna HN

სტატიაში დეტალურად ახსნილი ბიოლოგიური პროცესები, რომლებიც ლეიკემიის ჩამოყალიბებას იწვევს. ასევე, საუბარია მკურნალობის რამდენიმე მიმართულებაზე, რომლებზეც თანამედროვე მეცნიერები მუშაობენ.

9. 5 ყველაზე უცნაური შემთხვევა ფსიქოლოგიაში - 100,479 წაკითხვა

ფოტო: Wikimedia Commons

ფსიქოლოგებს პრაქტიკაში უამრავ უცნაურობასთან უწევთ შეხება, რაც ადამიანთა ბუნების კომპლექსურობითაა გამოწვეული. თითოეული უცნაური დაავადება თუ დარღვევა მეცნიერებს უბიძგებს, არსებული ცოდნა გადაიაზრონ. სტატიაში ხუთი ასეთი შემთხვევაა განხილული.

8. 25 შემთხვევა, როცა ადამიანებმა გააცნობიერეს, რომ მონსტრთან ერთად ცხოვრობენ - 105,901 წაკითხვა

რას არ შეხვდებით ამ სტატიაში: ასიმეტრიულად დაკიდებულ სურათებს, დაბრდღვნილ შეფუთვებს, აყვავებულ კარტოფილებს და სხვა მტკიცებულებებს იმისა, რომ ჩვენს შორის მონსტრები ცხოვრობენ

7. მსოფლიოს 10 ქალაქი, სადაც დღეს აღარავინ ცხოვრობს - 106,170 წაკითხვა

ფოტო: Sergei Chuzavkov

ყველა მიტოვებულ ქალაქს თავისი ისტორია აქვს და, ალბათ, ამიტომაც გამოდგა ეს სტატია ასეთი პოპულარული.

6. ტესტი: როგორი მძღოლი ხარ? - 118,230 წაკითხვა

გულწრფელად რომ გითხრათ, ძალიან გვიხარია, როცა კომერციული შეთანხმების ფარგლებში დაწერილი სტატიები თუ შექმნილი ქვიზები პოპულარული ხდება. ეს კონკრეტული ქვიზი ალდაგის კამპანიის ფარგლებში მოვამზადეთ, რომელიც კეთილსინდისიერი მძღოლების წახალისებას ემსახურება.

5. 10 ფოტო, რომელიც იაპონელების ცხოვრების წესს აღწერს - 125,499 წაკითხვა

მატარებელში ფანჯრისკენ მიმართული ადგილები, აეროპორტში ფერებად დაწყობილი ჩემოდნები, ლიფტში "წვიმის" მაჩვენებელი - ეს ის პატარა დეტალებია, რომლებიც იაპონიაში ყოველდღიურ ცხოვრებას ამარტივებს.

4. ტესტი: შეამოწმე, როგორ იცნობ ქართულ რაგბის და გეტყვით, როგორ შეიძლება მოხვდე იაპონიაში მსოფლიო თასზე - 127,134 წაკითხვა

ფოტო: თიბისი

თიბისისთან ერთად მომზადებულ ამ ტესტს რაგბის გულშემატკივრებიც და არაგულშემატკივრებიც განსაკუთრებული მონდომებით ავსებდნენ.

3. ნახეთ ჩემი ცოლის დაქალების მე-16 სეზონის სამი ახალი პრომო - 139,192 წაკითხვა

ფოტო: ჩემი ცოლის დაქალები

ამ სტატიის წარმატების მიზეზი, ცხადია, ჩემი ცოლის დაქალების ბრენდი და შექმნილი პოლიტიკური ვითარება იყო. რუსთავი 2-ის დახურვის შემდეგ სერიალის ბედთან დაკავშირებით მაყურებლებს მრავალი კითხვის ნიშანი ჰქონდათ, ამ სამ პრომოსაც ასეთი მონდომებით ამიტომ დაუდარაჯდნენ.

2. ტესტი: შენ უკეთ იცი ქართული ზმნა თუ მეცხრეკლასელმა? - 145,093 წაკითხვა

საქართველოს ბანკთან პარტნიორობით შექმნილი ეს ქვიზი რთული შესავსები იყო, თუმცა დასრულების შემდეგ ყველამ უკეთ იცოდა ქართული ზმნის გრამატიკული წესები.

1. ტესტი: ხარ თუ არა სამზარეულოში შესაშვები? - 710,753 წაკითხვა

ფოტო: Friends

როცა სამზარეულოს ომებისთვის ეს ქვიზი გავაკეთეთ, მის ასეთ წარმატებას ნამდვილად არ ველოდით. თან, ვეცადეთ, რომ გათვლა პროფესიონალებზე გვქონოდა და არა იმათზე, ვინც არაჩვეულებრივ ომლეტს აკეთებს.