"მადლობა მე დიდად არ მომისმენია", — ამის შესახებ რეგიონული განვითარებისა და ინფრასტრუქტურის მინისტრმა უპასუხა კითხვას, ქების გარდა რა კრიტიკული კითხვები დაუსვა ქართულმა ოცნებამ.

მისი განცხადებით, კითხვები ეხებოდა როგორც 20-21 ივნისის მოვლენეს, ისე სიღარიბეს და ყველა იმ გამოწვევაზე, რაც ხელისუფლებას აქვს, მათ შორის "არაეფექტურობასთან" დაკავშირებით.

"ჩვენი ყოველდღიური შრომით ამ კითხვებზე პასუხს გავცემთ", — განაცხადა მაია ცქიტიშვილმა.

ახალი მთავრობის მოსმენა პარლამენტში ქართული ოცნების დეპუტატების მხრიდან მადლობების გადახდითა და მინისტრების საქმიანობის ქებით დაიწყო. მადლობების სერია უმრავლესობაში ადამიანის უფლებათა კომიტეტის თავმჯდომარემ სოფიო კილაძემ გახსნა და სხვებმა დაასრულეს.